२ कोरिन्‍थी 5:1 - थुलुङ राई

¹ गुइ बुइमिम ओराम क्‍वाकु मिरो़म पुयु़लु लोवो पाह्रीला हेल्‍लो वो पुयु़ मेलुक्‍पा बाखोप माम्‍चु़नीका इकीमा लागि बनेबेम्‍डिम बु। गुइ ओराम च, मेराम ने मु़चु़कु ल्‍वाका बनेबेम्‍मा मेएँ।

२ कोरिन्‍थी 5:1 Referans Kwoze

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

हिब्रू 9:24

येशू ख्रीष्‍ट मु़चु़का बनेबेम्‍मा सेपा खोमगोनो मेहुमिवा, उहेम आच्‍छाङाकाम सेपा खोम होप्‍माम कोङङा सो़। लावो गुमी ने पाह्रीलाम आच्‍छाङाकाम सेपा खोमडा लम्‍डी। गुमी ओम्‍लो इकीमा लागि माम्‍चु़नीकु ङादोडा बुमी।

२ कोरिन्‍थी 4:7

माम्‍चु़नीलाम झ्‍वाक्‍पा ओराम ओलकु खाप्‍ची गुकुनुङ बु, लावो क्‍वाकु सोजाम होप्‍माम गुकुगोडा मेराम खाप्‍ची जु़ल्‍मा बु। ओरामलामका आरे र्‍वाक्‍साका थेसिथेडी, आरेप्‍माम डोक्‍पु यु़म ने गुकुलाम मेएँ, माम्‍चु़नीलाम रो।

हिब्रू 9:11

येशू ङादोङा रोमु दु़स्‍तु़म जो़पा ल्‍वामिमकु डु़म्‍लाचो़ दु़म्‍साका रोम्‍डिम बु। मेम्‍मा गुमी सेपा नुङ खोमडाम डोक्‍पु डु़म्‍लाचो़ सो़। उहेम सेपा खोम ओराम सुबुडा प्रङ्‌सिड्‌डाम मिबु मा मु़चु़कु ल्‍वाका बनेबेम्‍मा वो मेएँ।

१ पत्रुस 1:4

पाह्रीला जु़ल्‍थाट्‌मा इनीमा लागि जि-वा मेचेम्‍पा, मेफाल्‍सिक्‍पा, मेचु़र्पा बु।

२ कोरिन्‍थी 5:4

गुइ इकीमा क्‍वाकु मिरो़मडा बुइमिम थारीका मिम्‍ताम-सो़र्ताम बेत्तो ओसु़म बिइ। गुइ ओराम मिरो़म डिन्‍मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्‍वाक्‍साका सो़, मेम्‍साका सिपा मिरो़म ने मेसिपा त्‍वारो़मडा ख्‍लोसी।

मर्कूस 14:58

“ओरामका आरे र्‍वाक्‍ताम गुकु थो़त्तोको, ‘मु़चु़कु ल्‍वाका बनेबेम्‍मा ओराम सो़रनेम फालुमा कोङमी सो़रनेम सुलेमनेम गो बनेबेउसोक्‍पु, मेराम ने मु़चु़मिमका बनेबोमिमिम ने मेएँ’।”

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

१ यूहन्‍ना 3:19

ओ इकीमा बेसी-पेसीलामका गुइ च, गुइ आच्‍छाङाकाम ल्‍वाडा बुइ। मेम्‍मिमका माम्‍चु़नीकु ङादोडा गुइ येम्‍सिडिलो इकीमा ङिम मेलु़।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

हिब्रू 11:10

हेङालोने अब्राहामका ने माम्‍चु़नी उनी त्‍वाकु नड्‍डा मिम्‍साका बनेबोमिमिम हेल्‍लो लोवो दु़म्‍पाम बाट्‍पा फारनुङमा शहर गुका लथाड्‌डु़म बाइडा।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

थु़र्मा 7:48

“मेम लावो ल्‍वाका बनेम्‍मा सो़रनेममिमबाडे पाह्रीलाम माम्‍चु़नी मेबुमी, माम्‍चु़नीलाम-जेपाका आरेसाका र्‍वाक्‍ताम बु: