Biblia Todo Logo
Bib sou entènèt

- Piblisite -




२ कोरिन्‍थी 4:7 - थुलुङ राई

7 माम्‍चु़नीलाम झ्‍वाक्‍पा ओराम ओलकु खाप्‍ची गुकुनुङ बु, लावो क्‍वाकु सोजाम होप्‍माम गुकुगोडा मेराम खाप्‍ची जु़ल्‍मा बु। ओरामलामका आरे र्‍वाक्‍साका थेसिथेडी, आरेप्‍माम डोक्‍पु यु़म ने गुकुलाम मेएँ, माम्‍चु़नीलाम रो।

Gade chapit la Kopi




२ कोरिन्‍थी 4:7
31 Referans Kwoze  

गुइ बुइमिम ओराम क्‍वाकु मिरो़म पुयु़लु लोवो पाह्रीला हेल्‍लो वो पुयु़ मेलुक्‍पा बाखोप माम्‍चु़नीका इकीमा लागि बनेबेम्‍डिम बु। गुइ ओराम च, मेराम ने मु़चु़कु ल्‍वाका बनेबेम्‍मा मेएँ।


सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।


ख्रीष्‍टङा माम्‍चु़नीकु न नुङ नेप्‍ची थेसिथेन्‍बेट्‌पा बुमी। मे न नुङ नेप्‍ची ने थक्‍मा खाप्‍ची होप्‍माम बु।


मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।


ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।


“पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।


“पाह्री-किब्‍दी कोले मु़चु़का येगोयु़ थक्‍मा डार्डु़म खाप्‍ची होप्‍मामङा सो़। गेर्सिद्‌वाक्‍तो आथावो थक्‍जो़ल्‍लु़मा मे ये भ्रेमु लागि गुनुङ बाट्‌पा खोत्‍ले भ्रेड्‌डु़।


डोक्‍पु नेमडा सङ नुङ क्‍वाकु सोजाम कोङङा मेदु़म, लावो सो़ना नुङ मतोकाम सोजाम वो दु़म। कोङनिम याक्‍के खारीडा मा कोङनिम डोक्‍पु खारीडा मोमु जु़ल्‍मा दु़म।


माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।


गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।


हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।


गुइ छु़ल बिइडिमका सिप्‍ल्‍याक्‍पा बाइडी लोवो माम्‍चु़नीका ख्रीष्‍टलाई सिमुलाम फम्‍डिलो गुमीनुङङा गुइलाई वो नु़बेसाड्‌डामी। आरेसाका गुमीका न-थो़म रेम्‍बेम्‍डिमा गानी सेल्‍सिट्‌निम बु।


आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।


न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।


मेकोतिमा गुमीका मेर्मिमलाई र्‍वाम्‍डी, “पाह्री-किब्‍दीकु दुथाम सीसिपा डु़म्‍ला सीपा खोत्‍ले मु़चु़ कोले नेमहप होप्‍मामङा सो़, उहेमका उ छेदेनेमलामका माकेम नुङ हापा थिकाम लाले सोजाम ख्‍लुकु़मी।”


आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”


इनीमा मिरो़मडा सेपा दु़म्‍साका नुङ डोक्‍पु मिम्‍साका बानी-दोनी।


Swiv nou:

Piblisite


Piblisite