२ कोरिन्‍थी 4:14 - थुलुङ राई

¹⁴ गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

२ कोरिन्‍थी 4:14 Referans Kwoze

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

१ कोरिन्थी 6:14

माम्‍चु़नीका उनी यु़मका ङाचो़ येशूलाई सिमुलामका फम्‍डी, मा गुइलाई वो उनी यु़मका फक्‍सामी।

एफिसी 5:27

मा गुइ थो़रलु़पामिम मेजो़पा खारी मान्‍थिम, छु़ल मान्‍थिम, मा वाङमी हाम वो मेजो़पा ल्‍वा मान्‍थिम बनेबेसाका उनीमा ङादोडा सेपा नुङ मेख्‍लो़ट्‌पा मण्डली दु़म्‍बेन्‍मु लागि गुमीका उनी त्‍वापलाईङा सासेन्‍सिम्‍डी।

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

कलस्‍सी 1:22

लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

याकूब 5:15

माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।