२ कोरिन्‍थी 4:11 - थुलुङ राई

¹¹ सिपामा लक्‍पा आकीमा मिरो़मडा येशूकु त्‍वारो़म रेम्‍बेसिनु़ र्‍वाक्‍साका उनीमा लागि ङा हेल्‍लो लोवो गुकु र्‍वाप्‍डा सिकुम बुकु।

२ कोरिन्‍थी 4:11 Referans Kwoze

१ कोरिन्थी 15:49

ओम्‍लो गुइ क्‍वालाम बनेदु़म्‍पा मिरो़म ल्वास्तिम बु, मेम्साकाङा दिफु गुइ पाह्रीलाम मु़चु़ होप्माम लाले मिरो़म ल्वासी।

रोमी 8:36

माम्‍चु़नीकु सिजेमडा र्‍याक्‍मा बु, “गुकु गानीडला थो़रलु़त्तोकोमका इनीमा लागि हेल्‍लो लोवो सेन्‍मु माल्की, गुकु फल्‍ला सो़सिमु खापा भेन्‍दा होप्माम ङा सो़।”

२ कोरिन्‍थी 5:4

गुइ इकीमा क्‍वाकु मिरो़मडा बुइमिम थारीका मिम्‍ताम-सो़र्ताम बेत्तो ओसु़म बिइ। गुइ ओराम मिरो़म डिन्‍मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्‍वाक्‍साका सो़, मेम्‍साका सिपा मिरो़म ने मेसिपा त्‍वारो़मडा ख्‍लोसी।

१ कोरिन्थी 15:31

वा-ल्‍वाकनी, इकी ङाचो़ येशू ख्रीष्‍टका गानीडा बेम्डिम ल्वाडा आमा न भ्रसिड्‍डामका र्‍वामु चापु, गो हेल्‍लो लोवो सिमुङा बासिलोवो सिमु चापु।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

२ कोरिन्‍थी 4:10

आकीमा मिरो़मडा येशूकु बासी-दोसी वाङमिमका ल्‍वामिनु़ र्‍वाक्‍साका गुकु आकी त्‍वाकु मिरो़मडा हेल्‍लो लोवो येशूकु सिमुलाम कुर्कु।

२ कोरिन्‍थी 4:12

मेम्‍मिमका गुकु राप्‍डा सित्तो गानीगोडा खारी बोकुलो गानी हेलो वो मेसिपा त्‍वारो़म ल्‍वानी।

२ कोरिन्‍थी 6:9

मेछेट्‌मा मु़चु़ होङङा बोकिमी लावो खोत्‍लेका छेकिमी। सिमुङा खापा लोवो आथावो गुकु नु़पाङा बुकु। याल्‍तिकिमी लोवो सेत्तिकिमिम मिबु।