२ कोरिन्‍थी 4:1 - थुलुङ राई

¹ माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

२ कोरिन्‍थी 4:1 Referans Kwoze

२ थेसलोनिकी 3:13

वा-ल्‍वाकनी, गानी ने आरेप्‍माम जो़पा खारी बोमुडा मेघ्रु़म्‍नी।

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

एफिसी 3:13

मेम्‍मिमका गो गानीलाई छो़म र्‍वाङु इनीमा लागि गो छो़म दु़खा ल्‍वाउलो इनी पाउ मेसोनु़। हेङालोने आमा दु़खाका इनीमा लागि जो़पा जि-वा रेडु़।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

२ कोरिन्‍थी 4:16

मेम्‍मिमका हेल्‍लो वो आकीमा पाउ मेसो। आकीमा मिरो़म यु़प्‍तो ल लोवो आकीमा त्वारो़मकु पेल ने हेल्‍लो लोवो लाले दु़म्तो ल।

रेम्‍बेट्‌मिडिम ल्‍वा 2:3

गानी गोडला थो़र बेन्‍निमका हाम वो मेर्‍वाक्‍साकाङा दु़खामिम इम्‍तोङा लेनी। मेम्‍मा थो़र बोमु डिट्‌निम मिबु।

हिब्रू 12:3

मेजो़पा मु़चु़मिम आरेसाका उनी कोर्थो़लाम बम्‍डिलो इम्‍पा येशूलाई मिम्‍नी, मेम्‍साका गानी मेघ्रु़म्‍नी मा इनीमा न-गो मेसि।

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

२ कोरिन्‍थी 5:18

ओर्मिम खोत्‍ले माम्‍चु़नीका बेम्‍डिम सो़। गुमीका ख्रीष्‍टलामका उनीमा नुङ इकीमा न-थो़म घ्रो़म्‍बेसाड्‌डामी मा वाङमिम मु़चु़काम न-थो़म गुमीनुङ घ्रो़म्‍बेट्‌पा खारी वो गुइलाई ग्‍वाक्‍साड्‌डामी।

२ कोरिन्‍थी 3:12

गुकुनुङ आरेप्‍माम हाम-हुम ल्‍वापा न बु़मिमका गुकु छो़म मेङिपा दु़म्‍तोकोम बु।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।