9 मु़चु़लाई मुमा बेट्पा डु़म्लाकु खारी ने यु़म झ्वाक्पा बाइडा माला, मु़चु़मिमलाई माम्चु़नीकु ङादोडा जो़पा दु़म्बेट्पा खारी ने मेरामडाम वो हापा यु़म-झ्वाक्पा दु़म।
माम्चु़नीका ख्रीष्टडा गुइलाई उनी त्वाकु ङादोडा जो़पा न-गोकाम दु़म्बेन्मु लागि हेल्लो वो छु़ल मेबेपा ख्रीष्टलाई इकीमा छु़ल कुर्बेट्मिडी।
गो येशू ख्रीष्टकु डु़ल्चो़ नुङ थु़र्मा सिमोन पत्रुसका, इकीमा माम्चु़नी नुङ गुइलाई सेल्पा येशू ख्रीष्टकु चोमिक्सी मान्थिम नुङ जो़पा खारी बेसीलामका आकीमा होप्माम हापा थिकाम थो़र ल्वापा गानीलाई ओराम सेलाखाजेम र्याक्तोङा बेउ।
गो माम्चु़नीडा जो़पा दु़म्मु ने डु़म्ला होम्साका दोसाका मेएँ, लावो ख्रीष्टडलाम थो़रका जो़पा दु़म्ङु। माम्चु़नीडा जो़पा दु़म्सी ने गुमीलामका रो मा ओराम खारी थो़रलामका दु़म।
माम्चु़नीकु ङादोडा मुमा मान्थिम दु़म्मु लागि डु़म्लागोडाम खारी बेसीडा थो़र बेपा खोत्ले मु़चु़मिम वाइतो बेन्ला सो़सिमी। हेङालोने माम्चु़नीकु सिजेमडा र्याक्मा बु, “मोशाकु डु़म्लागोडा बाट्पा खोत्ले ल्वा जो़होमका मेबेसाका बाट्पा खोत्ले मु़चु़मिम वाइतो बेन्ला सो़सिमी।”
नेप्सुङकु जो़प्सी वाङ, ख्लो़मुकु जो़प्सी नुङ सोरलुङकु जो़प्सी कोङमीङा दु़म। मेम्मा कोले सोरलुङकु जो़प्सी कोङमी सोरलुङडाम उ जो़प्सीडा वाङङा दु़म।
माम्चु़नीका गानीलाई येशू ख्रीष्टनुङ दु़म्बेट्निम बु। ख्रीष्ट ङा इकीमा लागि माम्चु़नीलाममिम नेप्ची, लोवो गुइलाई माम्चु़नीकु ङादोडा जो़पा मिम्पा, गुइलाई उनीमा सेपा मु़चु़ दु़म्बेट्पा, मा गुइलाई छु़ललामका वाङ बेपा दु़म्मिडिम बु।
मेम्मिमका खिरिरि क्रिप्सी ने उमा थो़रलाम माम्चु़नीका जो़पा न-गोकाम दु़म्बेट्मिडिम छेखोप रेम्बेट्मिडिम सो़। आरेसाका अब्राहामका खिरिरि मेक्रिपा लोवो माम्चु़नीडा ने थो़रलु़साका जो़पा न-गोकाम दु़म्पा वाङसामामिमकाम ङाउ-खुउ दु़स्ता।
त्वारो़म ग्वाक्पा माम्चु़नी-पेलकु खारी रेडिलो मेरामडाम वो हापा घ्ल्वापा यु़म झ्वाक्सी मेदु़म मा?