२ कोरिन्‍थी 3:8 - थुलुङ राई

⁸ त्‍वारो़म ग्‍वाक्‍पा माम्‍चु़नी-पेलकु खारी रेडिलो मेरामडाम वो हापा घ्‍ल्‍वापा यु़म झ्‍वाक्‍सी मेदु़म मा?

२ कोरिन्‍थी 3:8 Referans Kwoze

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

२ थेसलोनिकी 2:13

माम्‍चु़नीका रिखाम बेपा वा-ल्‍वाकनी, इनीमा लागि माम्‍चु़नीलाई हेल्‍लो लोवो आलासो़ ग्‍वामुङा बासी। हेङालोने माम्‍चु़नी पेलका गानीलाई सेपा उनी मु़चु़ दु़म्‍बेट्‌निम नुङ आच्‍छाङाकाम ल्‍वाडा बेन्‍निम थो़रलाम माम्‍चु़नीका गानी खोत्‍लेडाम ङादो सेल्‍सिमु छेट्‌निम बु।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

गलाती 5:5

लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

२ कोरिन्‍थी 3:17

ङाचो़ ङा पेल बुमी, मा ङाचो़कु पेल बान्‍ते दु़म मेसिन्‍डा मेजो़पा ल्‍वालामका गुइ सेल्‍सिडी।

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

२ कोरिन्‍थी 3:7

लुङकु र्‍याखोपडा डु़म्‍ला र्‍याम्‍डिमा ग्‍वाम्‍डिम थारीका माम्‍चु़नीकु यु़म झ्‍वाक्‍सी रेम्‍बेसिड्‍डा। मेराम यु़म झ्‍वाक्‍सीका मोशाकु कल झ्‍वाक्‍ताम बाइडा। मेप्‍माम झ्‍वाक्‍पामा वाखाताम दाम्‍तो लक्‍पा ल्‍वा लोवो इस्राएलीमिमका मोशाकु कल रेम्‍मुङा मेचाप्‍मिवा। सिमुलाम रेट्‍पा डु़म्‍ला रेड्‍डु़लो ने मेप्‍माम यु़म-झ्‍वाक्‍सी बाइडा माला,

२ कोरिन्‍थी 3:9

मु़चु़लाई मुमा बेट्‌पा डु़म्‍लाकु खारी ने यु़म झ्‍वाक्‍पा बाइडा माला, मु़चु़मिमलाई माम्‍चु़नीकु ङादोडा जो़पा दु़म्‍बेट्‌पा खारी ने मेरामडाम वो हापा यु़म-झ्‍वाक्‍पा दु़म।