२ कोरिन्‍थी 3:7 - थुलुङ राई

⁷ लुङकु र्‍याखोपडा डु़म्‍ला र्‍याम्‍डिमा ग्‍वाम्‍डिम थारीका माम्‍चु़नीकु यु़म झ्‍वाक्‍सी रेम्‍बेसिड्‍डा। मेराम यु़म झ्‍वाक्‍सीका मोशाकु कल झ्‍वाक्‍ताम बाइडा। मेप्‍माम झ्‍वाक्‍पामा वाखाताम दाम्‍तो लक्‍पा ल्‍वा लोवो इस्राएलीमिमका मोशाकु कल रेम्‍मुङा मेचाप्‍मिवा। सिमुलाम रेट्‍पा डु़म्‍ला रेड्‍डु़लो ने मेप्‍माम यु़म-झ्‍वाक्‍सी बाइडा माला,

२ कोरिन्‍थी 3:7 Referans Kwoze

१ कोरिन्थी 13:10

लावो खोत्‍ले थेसिथेट्‍पा आच्‍छाङाकाम ल्‍वा रोलो किचो़म ओराम थेसिथेसी ल्‍वा दाममा ल।

रोमी 10:4

हेङालोने थो़रबेपामिम जो़पा न-गोकाम दु़म्‍मु चाप्‍मिनु़ र्‍वाक्‍साका डु़म्‍लाका माल्‍लु़म ल्‍वा ने येशू ख्रीष्‍टकाङा बेम्‍सोम्‍डी।

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

२ कोरिन्‍थी 3:3

आच्‍छाङा गानी ने ख्रीष्‍टका र्‍याम्‍डिम सेलाखाजेम सो़, मा मेराम सेलाखाजेम रेट्‍पा गुकु ङा। ओराम सेलाखाजेम गेलोङका र्‍याक्‍मा मेएँ, लावो नु़पा माम्‍चु़नीकु पेललामका र्‍याक्‍मा सो़। लुङकु र्‍याखोपडा मेएँ, लावो न-गोडा र्‍याक्‍मा सो़।

रोमी 4:15

डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

रोमी 7:10

त्‍वारो़म रेन्‍मु बासिक्‍पा डु़म्‍लाका ने आमा लागि सिमुलाम रेड्‍डु़ र्‍वाक्‍पा ल्‍वा चक्‍तो।

थु़र्मा 6:15

मेकोतिलो मे डोक्‍पु घ्रो़म्‍दीडा बाट्‌पा खोत्‍लेका स्‍तिफनसलाई रेप्‍मिडिम-रेप्‍मिडिम ङा बेम्‍डी, मा स्‍तिफनसकु ङाली पाह्रीचो़कु ङाली होप्‍माम ङा ल्‍वाम्‍डी।

रोमी 7:22

आमा न-गो ने माम्‍चु़नीलाममिम डु़म्‍लाडा गेर्सी द्‍वा।

हिब्रू 9:4

मेगोनो धूप चामु लागि बनेबेम्‍मा सो़नाकु सोजाम नुङ उडलामका सो़नाका ख्रेप्‍मा सो़रख्रेप्‍सीकु बाकस बाइडा। मे बाकसगोनो मन्‍न जु़ल्‍मा सो़नाकु सोजाम, लिम ओपा हारूनकु डु़लु़म्‍चो़ मा माम्‍चु़नीकु सो़रख्रेप्‍सी र्‍याक्‍मा नले लुङकु र्‍याखोप वो बाइडा।

रोमी 5:20

डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।

रोमी 7:5

गुइ कोबिलि इकीमा मिरो़मडाम बादीखाम होम्‍साका दोस्‍थाल्‍ली। मेम्‍लो डु़म्‍लाका इकीमा न होम्‍साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्‍लु़।

२ कोरिन्‍थी 3:8

त्‍वारो़म ग्‍वाक्‍पा माम्‍चु़नी-पेलकु खारी रेडिलो मेरामडाम वो हापा घ्‍ल्‍वापा यु़म झ्‍वाक्‍सी मेदु़म मा?

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

गलाती 3:21

मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।

हिब्रू 3:3

कोङिनम मु़चु़का नेम बनेबु़ मा मेराम मु़चु़का बनेबु़डु़म नेमलाई मेएँ नेमहपलाई डोक्‍पु मिम्‍मी। मेम्‍साकाङा मोशाडाम ने येशूङा डोक्‍पु मिम्‍मु घ्रेट्‌पा बुमी।

हिब्रू 12:18

लु़म्‍मु झापा नुङ मु वाक्‍पा पोप्‍चङडा गानी रोक्‍निम मिबु। गानी तुकुम्‍चिम, केकेयाम खासे नुङ ब्‍लोजु़ बाट्‌पा खोमडा रोक्‍निम मिबु।