२ कोरिन्‍थी 3:5 - थुलुङ राई

⁵ ओराम खारी बोमु घ्रेटपा बुकु र्‍वाक्‍साका गुकु र्‍वामु मेचाम्‍कु। लावो गुकुलाई ओराम खारी बोमु घ्रेट्‍पा दु़म्‍बेट्‍पा ने माम्‍चु़नी सो़।

२ कोरिन्‍थी 3:5 Referans Kwoze

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

१ कोरिन्थी 3:6

गो भ्रल ख्‍लिउतो, अपोल्‍लोसका कु फिक्‍तु़, लावो माम्‍चु़नीकाङा बर्बेट्‌मिडी।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

२ कोरिन्‍थी 4:7

माम्‍चु़नीलाम झ्‍वाक्‍पा ओराम ओलकु खाप्‍ची गुकुनुङ बु, लावो क्‍वाकु सोजाम होप्‍माम गुकुगोडा मेराम खाप्‍ची जु़ल्‍मा बु। ओरामलामका आरे र्‍वाक्‍साका थेसिथेडी, आरेप्‍माम डोक्‍पु यु़म ने गुकुलाम मेएँ, माम्‍चु़नीलाम रो।

१ कोरिन्थी 3:10

माम्‍चु़नीका गोलाई दिदाम ग्‍वाङडिमिमका नेम बनेबेसी थेट्‌पा मु़चु़ होम्‍साका फार गत्तो मा कोङनिमका मेरामडला नेम बनेबु़। लावो मेरामडला बनेबेत्तो लक्‍पाका हेसाका बनेबोमु बासिक्‍पा मेराम ल्वाडा चङचङया बुमु बासी।

२ कोरिन्‍थी 2:16

पुयु़लुक्‍पामिमकाम लागि गुइ साम फ्‍याक्‍साक्‍पा घ्रामलु़पा मुर मा सेल्‍सिक्‍पामिमकाम लागि गुइ त्‍वारो़म ग्‍वाक्‍पा भ्रपा मुर सो़। आरेप्‍माम खारी बोमु चापा सु़ बु मा?

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

रोमी 15:18

हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।