7 मेम्मिमका गानी मेरामकु छु़ल हेम्साट्नी मा मेरामनुङ न-थो़मनुङमा दु़म्साका जेनी-दोनी, मेएँ माला ने छो़म उ दु़खा लुमा उ गो ज।
लावो न-थो़मनुङमा दु़म्नी मा कोलेका कोङमीलाई रिखाम बेबेनी। माम्चु़नीका गानीलाई ख्रीष्टलामका पाचो ग्वानिमिम होम्साका इनी त्वापगोडा पाचो ग्वाबेनी।
इम्सी बेबेनी मा कोङनिमका कोङनिमडला सु़म्बुर्मा किसु़लो छु़ल हेम्बेबेनी। ङाचो़का इनीमा छु़ल हेम्साट्निम होङङा छु़ल हेम्बेबेनी।
वा-ल्वाकनी येशू ख्रीष्टकु नङडा गानीलाई र्वाकु, गुकु सीत्तोकोम सीसि होम्साका मेदोसाका भ्रेपा खोत्ले वा-ल्वाकमिमडाम वाङ बानी।
वा-ल्वाकनी, ङादोङा अम्पामिमकु दुथाम चन्जो़ल्नी र्वाक्पा आकीमा न बु। मेम्मा सिइमिम चङडा आथावो नु़इ र्वाक्पा गानी मिम्निमिम ल्वा मेचक्पा मु़चु़मिम होङङा मेयेनि-मेख्राप्नी।
गु आच्छाङा छो़म नो़डा मा सिल्याड्डामङा बाइडा। लावो माम्चु़नीका गुडला न-थो़म रेम्बेम्डी। गुडला कोङङा मेएँ, लावो आमा मेभ्रसिसीडला वो मेभ्रसिसी मेदु़म्नु़ र्वाक्साका गुमीका न-थो़म रेम्बेम्डी।
माम्चु़नीकु न होम्साका न नो़ माला ने ओरामका मु़चु़लाई सेल्सिमु लागि उमा छु़ललाम माम्चु़नीडा ख्लोबेडु़। मेम्मिमका ओरामका सु़लाई वो मेखोर्सेडु़। लावो सु़म्दिसेरडाम ल्वाका न नो़ माला ओरामका सिमुलाम रेडु़।
गुइ इकीमा क्वाकु मिरो़मडा बुइमिम थारीका मिम्ताम-सो़र्ताम बेत्तो ओसु़म बिइ। गुइ ओराम मिरो़म डिन्मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्वाक्साका सो़, मेम्साका सिपा मिरो़म ने मेसिपा त्वारो़मडा ख्लोसी।
इकीमा झिपा मिरो़म हेल्लो वो मेसिपा मिरो़मडा ख्लोसी, मेकोतिलो माम्चु़नीकु सिजेमडा र्याक्मा ओराम ल्वा रोथी, “सिमुलाम ने क्वाल्बाडा सो़ड्डाम बु!
मेम्मिमका गो गानीलाई छो़म र्वाङु, मेराम मु़चु़डला आच्छाङा रिखाम बोनी र्वाक्पा रेम्बेनी।