२ कोरिन्‍थी 2:4 - थुलुङ राई

⁴ आमा गो छो़म ख्राप्‍तो आमा न मेभ्रसिक्‍तो नुङ छो़म प्‍ल डक्‍तो गानीलाई मेराम सेलाखाजेम र्‍याक्‍तोम बाइडा। गो इनीमा न नो़बेन्‍मु माल्‍तोम मेएँ, लावो गो गानीलाई हाङकोम रिखाम बोनिनी मेराम गानीलाई चबेन्‍मु आमा न बाइडा।

२ कोरिन्‍थी 2:4 Referans Kwoze

२ कोरिन्‍थी 7:12

कोङनिमका मेजो़पा खारी बु़डु़मका मा कोङनिमकु न नो़डामका गो मेराम सेलाखाजेम र्‍याक्‍तोम मेएँ, लावो गानी आकीमा दुथाम हाङकोम न सोनिमिम बु मेराम माम्चु़नीकु ङादोडा गानी इनी त्‍वाकाङा रेम्‍मु चाम्‍निनु़ र्‍वाक्‍साका र्‍याक्‍तोम।

फिलिप्‍पी 3:18

ङादो गो गानीनुङ सो़उथाल्‍तो मा ओम्‍लो वो प्‍ल आल्‍तो र्‍वाङु, हापा मु़चु़मिम ख्रीष्‍टकु क्रूसकाम स्‍वाक्‍चिमो होङङा बुमी-दोमी।

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

२ कोरिन्‍थी 2:9

गानीलाई र्‍वाक्‍मा होम्‍साका खोत्‍ले बोनी डे मेएँ डे र्‍वाक्‍साका छाम्‍मु नुङ रेम्‍मु लागि गानीलाई सेलाखाजेम र्‍याक्‍तोम बाइडा।