२ कोरिन्‍थी 2:16 - थुलुङ राई

¹⁶ पुयु़लुक्‍पामिमकाम लागि गुइ साम फ्‍याक्‍साक्‍पा घ्रामलु़पा मुर मा सेल्‍सिक्‍पामिमकाम लागि गुइ त्‍वारो़म ग्‍वाक्‍पा भ्रपा मुर सो़। आरेप्‍माम खारी बोमु चापा सु़ बु मा?

२ कोरिन्‍थी 2:16 Referans Kwoze

यूहन्‍ना 9:39

येशूका र्‍वाम्‍डी, “मिक्‍सीका मेल्‍वापा मु़चु़मिमका मिक्‍सीका ल्‍वामिनु़, मा मिक्‍सीका ल्‍वापामिम मेल्‍वापा दु़म्‍मिनु़ र्‍वाक्‍साका निया बोमु लागि गो सु़म्‍दिसेरडा योङडोम सो़।”

लूका 2:34

शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।