२ कोरिन्‍थी 2:13 - थुलुङ राई

¹³ लावो आमा ल्‍वाक तीतस मेसिन्‍डा मेडारुवामका गो मिम्‍ताम-सो़र्ताम बेउतो। मेम्‍मा त्रोआसडाम वा-ल्‍वाकमिमनुङ ब्र्‍वासिङ्‍डोमा गो माकेडोनियाथो़ लङडो।

२ कोरिन्‍थी 2:13 Referans Kwoze

२ कोरिन्‍थी 12:18

गो तीतसलाई इनीमाडा लमु र्‍वाक्‍साका छो़म र्‍वाङडो मा कोले ल्‍वाकलाई वो गुनुङ थु़र्तो। तीतसका लिमा थेसाका गानीलाम हाम-हुम रङडु़ मा? गुचुकु कोलेङा न नुङ कोलेङा बेसी-दोसीका मेबेचुकुवा मा?

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

गलाती 2:3

गोनुङ लक्‍पा तीतस ग्रीक मु़चु़ लोवो उमा कोक्‍ते खिरिरि क्रिप्‍सी दु़म्‍मु बासी र्‍वाक्‍साका सु़का वो मेर्‍वाक्‍मिवा।

गलाती 2:1

को-ब्‍ल थ चङडा बारनाबासनुङ गो आथावो यरूशलेम लङ्‍डो। मेम्‍लो तीतस वो गुचुकुनुङ लस्‍ताम बाइडा।

२ कोरिन्‍थी 8:23

तीतस ने आमा ङोप्‍सो़ मा गोनुङ कोयोङा गानीलाई ख्‍लो़पा मु़चु़ सो़। मेम्‍मा कोङमी नले ल्‍वाक ने मण्‍डलीका थु़र्मिडिचिम मा ख्रीष्‍टकु नङ कोक्‍पाचिप सो़।

२ कोरिन्‍थी 8:16

गो इनीमा दुथाम बेउमिम मिम्‍ताम-सो़र्तामङा माम्‍चु़नीका तीतसकु न-गोनो जु़ल्‍साम्‍डी। मेम्‍मिमका गुमीलाई आलासो़ र्‍वाङु।

२ कोरिन्‍थी 8:6

मेम्मिमका तीतसका ङादो आथामङा गानीगोडा इनीमा रिखामकु ग्‍वा-ग्‍वा फक्‍पा ओराम खारी बोमु चो़म्‍डु़मका, इनीमा ग्‍वा-ग्‍वा फक्‍पा खारी गानी बेन्‍सोट्‌नी र्‍वाक्‍साका सो-हन्‍बेसामु लागि गुकु गुलाई छो़म र्‍वाक्‍तोको।

२ कोरिन्‍थी 7:13

ओर्मिम खोत्‍लेका आकीमा सो हन्‍डाम बु। आकीमा सो हन्‍बेट्‌निमका कोङङा मेएँ, लावो गानी खोत्‍लेका तीतसकु सो हन्‍बेसाट्‌निमा गेर्सी बेट्‌निमका गुकु वो छो़म भ्रसिट्‍पा बुक।

मर्कूस 6:46

मे सेर्पा मु़चु़मिमनुङ ब्‍र्‍वाम्‍सिम्‍डिमा गुमी पोप्‍चङडला सो़म्‍दी बेप्‍डा लम्‍डी।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

थु़र्मा 21:6

मेकोतिमा गुकु डोक्‍पु कुबी-बोक्‍साडा हुत्तोको, मेर्मिम ने उनी नेम ख्‍लोम्‍सिम्‍डी।