२ कोरिन्‍थी 2:11 - थुलुङ राई

¹¹ आरेसाका शैतानका गुइलाई फोसो़ आम्‍मु मेल्‍वास्‍नु़, हेङालोने गुइ शैतानकु नडाम मुलु़मिम चडिम बु।

२ कोरिन्‍थी 2:11 Referans Kwoze

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

लूका 22:31

मेकोतिमा येशूका र्‍वाम्‍डी, “सिमोन, ए सिमोन थो़सा, खारीचो़मिमका उनी जेप्‍सेर स्‍यामिमिम होम्‍साकाङा शैतानका गानीलाई स्‍यामु लागि माम्‍चु़नीनुङ र्‍वाक्‍ताम बु।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

२ कोरिन्‍थी 11:14

ओराम इकीमा लागि ङाङाया दु़म्‍बेट्‌पा ल्‍वा मेएँ। शैतान वो ओलडाम पाह्रीचो़ होङङा लिम्‍सिमु चाप्‍सु़।

१ कोरिन्थी 7:5

वोचु़-मोचु़ अम्‍मुडाम उची त्‍वापलाई वाङ मेबोचिनु़। वाङ दु़म्निङा लोवो त्‍वाप-त्‍वापडा मुलु़ बेसाका सो़म्‍दी बोमु लागि कति दु़पा थारीका वाङ दु़म्नी। मेम्‍मा आथावो कोयो बानी, मेएँ माला ने इनी त्‍वापलाई जो़होमका मेजु़ल्‍निमिमका शैतानका गानीलाई छु़ल वाम्बेन्मु चाम्नी।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

रेम्‍बेट्‌मिडिम ल्‍वा 2:24

उहेमका मेराम मेसेमकु मेजो़पा सीसिडा मेलाम्‍सिट्‌निवाम मा शैतानलाममिम थक्‍साका जु़ल्‍मा सीसि मेसीन्‍सिट्‌निवाम गानी थिआटीरा मण्‍डलीडा बाट्‌पा याङ मु़चु़मिमलाई गो र्‍वाङु, गानी वाङमिम खारी बोमु बासी र्‍वाक्‍साका मेकाम्‍सानिनी।

थु़र्मा 1:25

मेराम लाले-पाङकेडा नुङ थु़र्मामिमकु खारीडा रोमु चाप्‍सु़नु़, उहेम लाले-पाङकेलामका यहूदा ख्‍लोस्‍तामा उ त्‍वाकु खोमडा सिडा।”

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।