8 गुकु आच्छाङाकाम ल्वाकु कोर्थो़लाममिम खारी हाम वो बोमु मेचाम्कु, लावो आच्छाङाकाम लागि कोङङा खारी बोमु चाम्कु।
लावो गुमीका र्वाम्डी, “मेरामलाई मेम मेबेनी, हेङालोने आमा नङडा यु़म-खारी बेपाका आमा नङडा मेजो़पा मेजेल्या।
मेर्मिमगोडाम हुमेनियस नुङ अलेक्जेन्डर सो़, मेर्चिपका माम्चु़नीलाई डक्साका मेजेचिनु़ र्वाक्पा सीसिन्चिनु़ र्वाक्साका गो मेर्चिपलाई शैतानकु ल्वाडा ग्वाक्तोचिम बु।
इनीमाडा रोमु ङादो गो ओराम ल्वा र्याक्तोङा लेट्पु। गो इनीमाडा रोङुमिम चङडा गानीलाई इम्मु मेझापा देन्दे ग्वामु मेबासिनु़। गानीलाई फाल्मु लागि मेएँ, लावो सोनुङमा दु़म्बेन्मु लागि ङाचो़का गोलाई ग्वाङडिमिम साखाम थो़मु न बेउ।
ङाचो़का गुकुलाई ग्वाक्तिकिमिम ओराम साखाम गानीलाई पुयु़लुबेन्मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्पु लिसिङडो लोवो आमा क्रो़म मेलु़।
गानी मेजो़पा मेबेनी र्वाक्साका माम्चु़नीनुङ गुकु सो़म्दी बोकु। गुकु आकी त्वाप जो़पा रेम्बोमु लागि मेएँ, लावो गुकु हाम ना हामकाम होप्माम ल्वासिड्डा लोवो गानी जो़पा खारी बोमु चाप्नी र्वाक्साका सो़म्दी बोकु।
गुकु हाम वो बोमु मेचापा बुकु, लावो गानी ने हाम लोवो बोमु चापा बुनिमिमका गुकु गेर्सी द्वाकु। गानी छो़म जो़पा दु़म्तो लक्नी र्वाक्साका गुकु सो़म्दी बोकु।