२ कोरिन्‍थी 13:7 - थुलुङ राई

⁷ गानी मेजो़पा मेबेनी र्‍वाक्‍साका माम्‍चु़नीनुङ गुकु सो़म्‍दी बोकु। गुकु आकी त्‍वाप जो़पा रेम्‍बोमु लागि मेएँ, लावो गुकु हाम ना हामकाम होप्‍माम ल्‍वासिड्‍डा लोवो गानी जो़पा खारी बोमु चाप्‍नी र्‍वाक्‍साका सो़म्‍दी बोकु।

२ कोरिन्‍थी 13:7 Referans Kwoze

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

२ तिमोथी 4:18

ङाचो़का गोलाई खोत्‍ले मेजो़पा ल्‍वालामका गेङिमी, मा गुमीका उनीमा पाह्रीलाम किब्‍दीकाम लागि गोलाई बोङिमी-थार्ङिमी। हेल्‍लो लोवो उनीमा यु़म झ्‍वानु़म बुनु़! आमेन।

२ तिमोथी 2:15

माम्‍चु़नीकु आच्‍छाङाकाम सिजेम चङको-चङको सीपा, त्‍वाकु खारीडा क्रो़मलु़मु मेबासिक्‍पा खारीचो़ होङङा माम्‍चु़नीका बिम्‍सिप्‍मिमिम खारी छो़म बे।

१ तिमोथी 2:2

मा हपमिम नुङ साखामचो़मिम खोत्‍लेकाम लागि सो़म्‍दी बेनी। मेम्‍मा गुइ माम्‍चु़नीकु सो़रलोले बोमु नुङ उनीमा नङ कोक्‍साका न भ्रसिक्‍तो जो़होमका बुमु ल्‍वासी।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

२ कोरिन्‍थी 13:9

गुकु हाम वो बोमु मेचापा बुकु, लावो गानी ने हाम लोवो बोमु चापा बुनिमिमका गुकु गेर्सी द्‌वाकु। गानी छो़म जो़पा दु़म्‍तो लक्‍नी र्‍वाक्‍साका गुकु सो़म्‍दी बोकु।

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

२ कोरिन्‍थी 10:10

“पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।

२ कोरिन्‍थी 8:21

हेङालोने गुकु ङाचो़कु मिक्‍सीलामडा कोङङा मेएँ, मु़चु़मिमकु ङादोडा वो जो़पा खारी बोमुडा चङको-चङको दु़म्‍कु।

२ कोरिन्‍थी 6:4

मेम मेबेसाका, खोत्‍ले खारीडा गुकु आकी त्‍वापलाई माम्‍चु़नीकु डु़ल्‍चो़ र्‍वाक्‍साका रेम्‍बोकु। गुकु दु़खाडा, मेझापाडा नुङ खेमल्‍यामु वो मेझापा खारीडा वो गुकु छो़म इम्‍सिसाका बुकु।

१ कोरिन्थी 11:19

गानीगोडाम आच्‍छाङाकाम मु़चु़ छेम्‍सिमु गानीगोडा गो-फ दु़म्‍मुङा बासी डे!

रोमी 16:10

ख्रीष्‍टकु खारीडा थो़रलु़इमिम अपोल्‍लोसलाई सेव र्‍वाङसाङ्‍नी। अरिस्‍तोबुलसकु नेमडाममिमलाई वो सेव बु।

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

रोमी 12:17

कोङनिमका गानीलाई मेजो़पा बेन्‍नी र्‍वाक्‍साका मेरामलाई वो मेजो़पा मेबेनी। खोत्‍ले मु़चु़मिमका डोक्‍पु मिम्‍मिडिम ल्‍वाडा कोङङा न सोक्‍नी।

यूहन्‍ना 17:15

मेर्मिमलाई सु़म्‍दिसेरलामका लक्‍नी र्‍वाक्‍साका मेएँ, लावो मेर्मिमलाई शैतानडाम बोनी-थार्नी र्‍वाक्‍साका गो गानीनुङ सो़म्‍दी बेउ।

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

२ कोरिन्‍थी 13:6

मेम्‍मा गो थो़र लु़ङु, गुकु ने थु़र्माकु खारी बेसीडा हाम ना हामकाम दु़म्‍तोकोम मिबु र्‍वाक्‍पा गानी चनी।

२ कोरिन्‍थी 13:8

गुकु आच्‍छाङाकाम ल्‍वाकु कोर्थो़लाममिम खारी हाम वो बोमु मेचाम्‍कु, लावो आच्‍छाङाकाम लागि कोङङा खारी बोमु चाम्‍कु।