२ कोरिन्‍थी 13:5 - थुलुङ राई

⁵ गानी आच्‍छाङा थो़र लु़न्‍निम बु डे मेएँ र्‍वाक्‍साका इनी त्‍वाका त्‍वापलाई छाम्‍नी। येशू ख्रीष्‍ट गानीगोडा बुमी र्‍वाक्‍पा गानी आच्‍छाङा चनी। गुमी गानीगोडा मेबुमी माला गानी गुमीडा थो़र बोनी र्‍वाक्‍पा ल्‍वा आच्‍छाङा मेएँ।

२ कोरिन्‍थी 13:5 Referans Kwoze

१ कोरिन्थी 11:28

मेम्‍मिमका सो़बेम पोमु नुङ कान्‍चु़रेलाम डुमु ङादो गानी खोत्लेका त्‍वाकु न-गो छाम्‍नी।

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

गलाती 6:4

खोत्‍लेका त्‍वा त्‍वाहोम बासीदोसीलाई त्‍वाकाङा रेप्‍नी। मेम्‍मा जो़पा दु़स्‍ता माला इनीमा त्‍वाकु खारीडा गेर्सी द्‌वाक्‍नी। लावो वाङमिमडाम जो़पा बेउ र्‍वाक्‍साका ने इनी नो़ डोक्‍पु मेबेनी।

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

१ कोरिन्थी 11:31

लावो गुइ इकी त्‍वाका त्‍वापलाईङा छाम्‍डिम बु माला गुइ देन्‍दे मेल्‍वासी।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

रोमी 8:10

ख्रीष्‍ट गानीगोडा बुमी माला छु़ल बेन्‍निमका इनीमा मिरो़म सिडाम लोवो माम्‍चु़नीकु ङादोडा जो़पा न-गोकाम दु़म्‍निमका इनीमा त्‍वारो़म ने हेल्‍लो लोवो दु़महोम बु।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

यूहन्‍ना 15:4

आमा गोगोडा दु़म्‍नी, मा गो गुमीडा दु़म्‍ङु। अङ्‍गूरकु ग्रेममिम उ रो़लडा मेदु़प्‍सावा माला मा सिन्‍मु मेचाप्‍सु़। मेम्‍साकाङा आमाडा मेदु़म्‍निवा माला गानी वो मा सिन्‍बेन्‍मु मेचाम्‍नी।

तीतस 2:2

ङावा मु़चु़मिमलाई मिम्‍साका खारी बेपा, डोक्‍पु मिम्‍मुका घ्रेट्‌पा, त्‍वापलाई जो़होमका जु़ल्‍पा दु़म्‍मु सीडामी। माम्‍चु़नीडा मेर्मिमका छो़म डोक्‍पु थो़र बोमिनु़, मा रिखामनुङमा नुङ इम्‍मु चापा दु़म्‍मिनु़।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

गलाती 4:19

आमा द्‌वादीबुङ चो़च्‍चो़ नी, गानी येशू ख्रीष्‍ट होम्‍मामङा मेदु़म्‍निमिमसम्‍म चो़च्‍चो़ गमु थारीका मेसेमलाई हिम्‍बा खेडु़मिम होप्‍माम दु़खा आथावो गो इम्‍पुमिम बु।

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

१ कोरिन्थी 6:2

माम्‍चु़नीकु मु़चु़मिमका सु़म्‍दिसेरकाम निया बोमी र्‍वाक्‍पा हाम गानी मेचनी? सु़म्‍दिसेरकाम निया गानी बोनी माला याक्‍केतो रिबुसी ल्‍वा फ्‍यामु हाम गानी मेचाम्‍नी?

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

यूहन्‍ना 6:6

गुमीका मेरामकु न छाम्‍मु लागि आरे र्‍वाम्‍डिम बाइडा, हेङालोने गुमीका हाम बोमु खाप्‍मिडिम मेराम चम्‍डिम बाइडा।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।

हिब्रू 6:8

लावो मेराम ये-दका चु़ नुङ चोङ्‍खी कोङङा ल्‍याबेड्‌डु़ माला मेराम हाम ना हामकाम दु़म। आरेप्‍माम ये-द ने माम्‍चु़नीका वाइतो बेन्‍मी मा चङ्‌डा मेराम मुका बुक्‍तु़र ख्‍या।

१ कोरिन्थी 6:15

इनीमा मिरो़म ख्रीष्‍टकु मिरो़मगोडाम अंगमिम र्‍वाक्‍पा हाम गानी मेचनी? हाम गो ख्रीष्‍टकु मिरो़मडाम अंगमिमलाई छो़लो़माकु मिरो़मडाम अंग दु़म्‍बेन्‍मु? मेम ने मेदु़म्‍नु़।

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

तीतस 1:13

मेर्मिमकु माम्‍चु़नीलाम-जेपा मु़चु़का सो़यु़डु़म ल्‍वा आच्‍छाङा सो़। मेम्‍मिमका मेर्मिमलाई छो़म ख्‍र्‍वाकामी, मा मेर्मिम छो़म डोक्‍पु थो़रनुङमा दु़म्‍मिनु़।

२ तिमोथी 3:8

माम्‍चु़नीलाम-जेपा मोशाकु कोर्थो़लाम यान्‍नेस नुङ याम्‍ब्रेस बक्‍चिम होम्‍साका ओर्मिम मु़चु़ वो आच्‍छाङाकाम ल्‍वाकु कोर्थो़लाम बमी। ओर्मिम मु़चु़कु न झिप्‍स्‍ताम बु, मा उनीमा थो़र आच्‍छाङाकाम मिबु।

१ तिमोथी 2:15

लावो मेसेममिमका घ्रेट्‌पा दु़म्‍साका थो़र, रिखाम, नुङ माम्‍चु़नीकु न होङङा खारी बेत्तो बाम्‍डी माला चो़च्‍चो़ गमिम थारीका मेर्मिम सेल्‍सिमी।

कलस्‍सी 2:19

मेराम मु़चु़ ने गुलाई थो़पा बुइ ख्रीष्‍ट नुङ मेदु़म्साका वाङ दु़म। ख्रीष्‍ट ने मिरो़मकु बुइ बुमी। गुमीका मिरो़मलाई डु़ल्मी। मेम्साका मिरो़मकु सेर नुङ सोरिप घ्रो़मबेसाका खोत्ले मिरो़म माम्चु़नीकु न होम्साका बर्तो लमी।