२ कोरिन्‍थी 13:3 - थुलुङ राई

³ मेकोतिलो ख्रीष्‍ट गोलामका जेमी डे मेएँ र्‍वाक्‍साका गानी रेम्‍मु माल्‍निम ल्‍वा डार्नी। गुमीका गानीगोडा खारी बोमिलो गुमी मेचापा मेबुमी, लावो छो़म यु़मनुङमा बुमी।

२ कोरिन्‍थी 13:3 Referans Kwoze

मत्ती 10:20

हेङालोने जेपा ने गानी मेदु़म्‍नी, लावो माम्‍चु़नी इनीमा पापकु पेल गानीलामका जेमी।

२ कोरिन्‍थी 12:12

गो गानीगोडा छो़म इम्‍सिक्‍साकानुङ हापा छेखोपमिम, हेल्‍लो वो मेल्‍वाम्‍मा नुङ यु़मनुङमा खारीमिम बेसाका गो येशू ख्रीष्‍टकु थु़र्मा र्‍वाक्‍पा ल्‍वा रेम्‍बेट्‌निनिम बु।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

२ कोरिन्‍थी 10:4

गुइ क्‍वाल्‍बा बिइमिम गिजो-वाजो ने सु़म्‍दिसेरडाम मु़चु़मिमका मोक्‍पा गिजो-वाजो मेएँ। गुइ मोक्‍थालिमिम माम्‍चु़नीकु यु़मनुङमा गिजो-वाजोका ने खिर्मा खोम वो छो़रो़प बु़। ओराम गिजो-वाजोका हाम ना हामकु रिबुसी ल्‍वा दाम्‍बेडु़।

२ कोरिन्‍थी 2:10

गानी कोङनिमलाई पाचो ग्‍वानी माला गो वो मेरामलाई पाचो ग्‍वाक्‍पु। कोङनिम मु़चु़लाई कोङनिम ल्‍वाडा गो पाचो ग्‍वाक्‍तोम बु माला येशू ख्रीष्‍टकु ङादोडा इनीमा लागिङा पाचो ग्‍वाक्‍पु।

२ कोरिन्‍थी 2:6

गानीगोडाम हापाङा उमा कोर्थो़लाम बनिमिमङा मेरामलाई लिट्‌पा देन्‍दे दु़म।

१ कोरिन्थी 7:40

लावो गुका लालीकुन्‍दा मेबेसाका बु माला छो़म गेर्सिमु ल्‍वासु़ र्‍वाक्‍पा लु़ङु। आमागोडा वो माम्‍चु़नी-पेल बुमी र्‍वाक्‍पा गो लु़ङु।

२ कोरिन्‍थी 9:8

माम्‍चु़नीका गानी चाहेबोनिमिमडाम वो हापा जि-वा ग्‍वामु चाम्‍निमी। मेम्‍मा गानीलाई हामकाम वो खेरेला मेदु़म, मेम्‍मिमका गानी जो़पा खारी खोत्‍ले बोम्‍सोमु चाम्‍नी।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।