२ कोरिन्‍थी 13:10 - थुलुङ राई

¹⁰ इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 13:10 Referans Kwoze

२ कोरिन्‍थी 10:8

ङाचो़का गुकुलाई ग्‍वाक्‍तिकिमिम ओराम साखाम गानीलाई पुयु़लुबेन्‍मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्‍पु लिसिङडो लोवो आमा क्रो़म मेलु़।

२ कोरिन्‍थी 2:3

गो रोङुलो आमा न भ्रसिबेन्‍मु बासिक्‍पा मु़चु़मिमका आमा न नो़मेबेन्‍मिनु़ र्‍वाक्‍साका ङादोम सेलाखाजेम गो र्‍याक्‍तोम सो़। आमा न भ्रसिलो इनीमा वो न भ्रसी र्‍वाक्‍पा गो थो़र लु़ङ्‌डोम बाइडा।

तीतस 1:13

मेर्मिमकु माम्‍चु़नीलाम-जेपा मु़चु़का सो़यु़डु़म ल्‍वा आच्‍छाङा सो़। मेम्‍मिमका मेर्मिमलाई छो़म ख्‍र्‍वाकामी, मा मेर्मिम छो़म डोक्‍पु थो़रनुङमा दु़म्‍मिनु़।

२ कोरिन्‍थी 13:8

गुकु आच्‍छाङाकाम ल्‍वाकु कोर्थो़लाममिम खारी हाम वो बोमु मेचाम्‍कु, लावो आच्‍छाङाकाम लागि कोङङा खारी बोमु चाम्‍कु।

२ कोरिन्‍थी 10:2

गो गानीलाई छो़म र्‍वाङु, गो इनीमाडा रोङुलो मेङिसाका भुर्मु बासिक्‍पा ल्‍वा बोमु मेबासिनु़। मेराम मेङिसाका भुर्मु बासिक्‍पा ल्‍वा ने गुकुलाई ओराम सु़म्‍दिसेरडाम मेजो़पा नका खारी बेत्तोङा लेनी र्‍वाक्‍पा मु़चु़मिमनुङ गो बेपा मुलु़ बेउतोम बु।

१ कोरिन्थी 4:21

गानी हाम द्‌वानी? गो गानीलाई याल्डा डु़लु़म्‍चो़ रेन्मु डे गो याक्‍के दु़म्‍साका रिखाम रेन्‍मु?

२ कोरिन्‍थी 13:2

गो ङादो नकखेपमिम खेपडा गानीनुङ बाङडोलो गानीलाई ङिम साट्‌निनिम बाइडा। ओम्‍लो गानीनुङ मेबुङु लोवो मेरामङा ल्‍वा र्‍वाङु: गो आथावो रोङुलो ङादो छु़ल बेपामिम सु़लाई लोवो गो मेडिट्‍पुमी।

१ कोरिन्थी 5:4

गानी इकी ङाचो़ येशूकु नङडा खोम्‍सिनिलो आमा न नुङ ङाचो़कु यु़म गानीगोडा दु़म्‍लो,

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

२ कोरिन्‍थी 10:4

गुइ क्‍वाल्‍बा बिइमिम गिजो-वाजो ने सु़म्‍दिसेरडाम मु़चु़मिमका मोक्‍पा गिजो-वाजो मेएँ। गुइ मोक्‍थालिमिम माम्‍चु़नीकु यु़मनुङमा गिजो-वाजोका ने खिर्मा खोम वो छो़रो़प बु़। ओराम गिजो-वाजोका हाम ना हामकु रिबुसी ल्‍वा दाम्‍बेडु़।