२ कोरिन्‍थी 12:9 - थुलुङ राई

⁹ लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

२ कोरिन्‍थी 12:9 Referans Kwoze

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

एफिसी 3:16

उनीमा हेल्‍लो वो मेहुक्‍पा जि-वाका सासाका उनीमा पेललामका गानीलाई यु़म ग्‍वाक्‍साका इनीमा न-गो सोनुङमा दु़म्‍बेन्‍मिनु़ र्‍वाक्‍साका यु़मनुङमा माम्‍चु़नीनुङ सो़म्‍दी बेउ।

१ कोरिन्थी 10:13

मु़चु़मिमडला दु़म्‍पा न छाम्‍सीडाम वाङमिम न छाम्‍सीडा गानी दु़म्‍निम मिबु। माम्‍चु़नी थो़रलु़इमिम बुमी, गुमीका गानी इम्‍मु चाम्‍निमिमडाम हापा न छाम्‍सी रोमेबेन्‍मी। गानी इम्‍मु चापा दु़म्‍नी र्‍वाक्‍साका गानीलाई न छाम्‍सीलामका लुक्‍पा लाम्‍दी वो रेम्‍बेनिमी।

हिब्रू 4:16

गुइ दिदाम नुङ न-थो़म ल्‍वासाका इकीमा खेरेलाडा ख्‍लो़ला सो़म्‍सिमु लागि साखाम थो़पा दिदामनुङमा माम्‍चु़नीकु गन्‍खोप फार्डा मेङिसाका लक्‍सी।

२ कोरिन्‍थी 12:5

गो ओराम मु़चु़कु दुथाम डोक्‍पु लिसिङु। लावो आमा दुथाम ने गो मेचापा बुङुमिम ल्‍वाडाम वाङमिम ल्‍वाडा डोक्‍पु मेलिसिङु।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 2:5

मेम्‍साका इनीमा थो़र मु़चु़मिमकु नेप्‍चीडा मेएँ, लावो माम्‍चु़नीकु यु़मडा दु़म्‍नु़।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

२ कोरिन्‍थी 11:30

गो डोक्‍पु लिसिमु बासी माला वो गो मेचापा बुङु र्‍वाक्‍पा रेम्‍बोमु लागि ङा डोक्‍पु लिसिङु।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

हिब्रू 11:34

मुकु भुल्‍मुमिम सेट्‌मिडी, कातु़रु़कु फल्‍खोपडाम स्‍वाम्‍डी, मेचापालाम सोनुङमा दु़म्‍मिडी, क्‍वाल्‍बाडा यु़मचो़ दु़म्‍मिडी मा वाङमिम नेब्‍दीलाममिम सिपाहीमिमलाई खान्‍सोम्‍डी।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

१ कोरिन्थी 2:3

गो इनीमाडा मेचापा मा छो़म ङिमुका रुट्‌त्तो रोङडोम बाइडा।

२ कोरिन्‍थी 12:1

आमा लागि हाम वो जो़पा मेबु़ लोवो गो धक्‍ची डोक्‍पु बोमुङा बासी। ङाचो़लामका ल्‍वाउतोम मिक्‍सीलाममिम नुङ गुमीका रेम्‍बेट्‌ङिडिमिम ल्‍वामिमकु दुथाम गो सो़उ।