२ कोरिन्‍थी 12:6 - थुलुङ राई

⁶ गो डोक्‍पु लिसिमु मालु माला वो गो नेप्‍ची मान्‍थिम मेदु़म्‍ङु, हेङालोने गो आच्छाङाकाम ल्‍वा जेत्तोङा लेट्‌पु। लावो गो डोक्‍पु मेलिसिङु, मा गो हाम बेउ, हाम र्‍वाङु मेरामडाम वो डोक्‍पु सु़का वो गोलाई मेलु़मिनु़।

२ कोरिन्‍थी 12:6 Referans Kwoze

२ कोरिन्‍थी 11:16

गो आथावो र्‍वाङु, सु़का वो गोलाई नेप्‍ची मान्‍थिम मेमिम्‍ङिमिनु़। लावो गानी गोलाई नेप्‍ची मान्‍थिम मिम्‍ङिनी माला वो नेप्‍ची मान्‍थिमङा मिम्‍साका गोलाई रङिनी, मेम्‍मा गो वो किचो़ डोक्‍पु लिसिमु ल्‍वाउनु़।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

२ कोरिन्‍थी 11:31

ङाचो़ येशूकु माम्‍चु़नी नुङ पापकाम हेल्‍लो लोवो नङ कोसिनु़, गो लिमा मेथेट्‌पु र्‍वाक्‍पा ल्‍वा गुमीका चमी।

२ कोरिन्‍थी 12:7

माम्‍चु़नीका गोलाई रेम्‍बेट्‌ङिडिमिम हेल्‍लो वो मेल्‍वाम्‍मा ल्‍वाका गो डोक्‍पु मेलिसिङुनु़ र्‍वाक्‍साका माम्‍चु़नीका आमा मिरो़मडा चु़ ग्‍वाङ्‌डिमी। ओराम शैतानकु सेलाचो़ बाइडा, ओरामका छो़म आमा थो़मतेर्सु़ मा गोलाई डोक्‍पु लिसिमु मेग्‍वाङी।

२ कोरिन्‍थी 5:13

गुकु आकीमा न मान्‍थिम बुकु माला माम्‍चु़नीकाम लागि न मान्‍थिम बुकु, मा गुकु आकीमा ननुङमा बुकु माला इनीमा लागि ननुङमा बुकु।

२ कोरिन्‍थी 1:18

माम्‍चु़नी थो़रलु़इमिम बुमी। मेम्‍साकाङा आकीमा सिजेम वो याङलो “आच्‍छाङा” नुङ याङलो “मेएँ” दु़स्‍ताम मिबु।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।