२ कोरिन्‍थी 12:4 - थुलुङ राई

⁴ गुलाई माम्‍चु़नीका पाह्रीला कोम्‍डिमा मेसिन्‍डा मु़चु़कु सिका र्‍वामुङा मेचापा नुङ मु़चु़का सो़सी मेनु़पा ल्‍वा गुका थो़स्‍तु़।

२ कोरिन्‍थी 12:4 Referans Kwoze

लूका 23:43

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, आनेप ङा गाना गोनुङ पाह्रीला दु़म्‍ना।”

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

थु़र्मा 8:39

मेर्चिप कुलामका पाखाडा लुक्‍गेच्‍ची, मा कोचोत्ति माम्‍चु़नी-पेलका फिलिपलाई वाङथो़ ङा लम्‍डी, मा मेरामका आथा ने फिलिपलाई मेल्‍वासु़वा, मा मे नपुंसक गेर्सी द्‌वाक्‍तो उ नेम ख्‍लोस्‍ता।

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

२ कोरिन्‍थी 12:2

ख्रीष्‍टडा थो़रलु़पा कोले मु़चु़लाई गो छेपु, को-ब्‍ल (१४) थ ङादो गुलाई माम्‍चु़नीका खोत्‍लेडाम येप्‍पा पाह्रीला कोम्‍डी। गुलाई मिरो़मडा लम्‍डिम डे पेलडा डे लम्‍डी मेराम गो मेचक्‍पु, माम्‍चु़नीका चमी।

१ थेसलोनिकी 4:17

मेकोतिमा गुइ सामबाट्‌पा ने ङाचो़ येशूलाई धामुला क्रो़म्‍डा मेर्मिमनुङङा खासेडलामका माम्‍चु़नीका कोक्‍सामी। मेम्‍लो आथाम हेल्‍लो लोवो गुइ ङाचो़ येशूनुङ दु़म्‍सिमिम बुइ।

रेम्‍बेट्‌मिडिम ल्‍वा 12:5

हपका मोक्‍पा होप्‍माम सेलकु डु़लु़म्‍चो़का खोत्‍ले नेब्‍दीडा साखाम थो़पा कोले तारापाचो़ मे मेसेमका कस्‍तु़। मेम्‍मा मे तारापाचो़ पाह्रीचो़का माम्‍चु़नीकाला मा उनीमा साखाम थो़पा गन्‍खोपला लडु़।