२ कोरिन्‍थी 12:21 - थुलुङ राई

²¹ गो आथावो इनीमाडा रोङुलो गानी मेजो़पा खारी बेन्‍निमका माम्‍चु़नीडा आमा क्रो़म लु़ र्‍वाक्‍पा ङिम लु़। मेम्‍मा ङादो छु़ल बेपा हापा मु़चु़मिमका आथावो त्‍वाका बेम्‍डिम घ्रामलु़पा खारी, नाम्‍सु़रु़ नुङ वाङमिम मेसेमनुङ अमअम द्‌वाक्‍पा नलाम मेख्‍लोसिप्‍मिवामका गो ख्राम्‍मु बासी डे र्‍वाक्‍पा गोलाई ङिम लु़डाम बु।

२ कोरिन्‍थी 12:21 Referans Kwoze

२ कोरिन्‍थी 13:2

गो ङादो नकखेपमिम खेपडा गानीनुङ बाङडोलो गानीलाई ङिम साट्‌निनिम बाइडा। ओम्‍लो गानीनुङ मेबुङु लोवो मेरामङा ल्‍वा र्‍वाङु: गो आथावो रोङुलो ङादो छु़ल बेपामिम सु़लाई लोवो गो मेडिट्‍पुमी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

गलाती 5:19

मु़चु़मिमकु नगोडाम मेजो़पा को-कोक्‍सी ने ओर्मिमङा सो़– नाम्‍सु़रु़ बोमु, मेसेपा नका बुमु-दोमु, वाङमिमकु नाइमेनुङ अम्‍मु,

१ कोरिन्थी 5:1

गानीगोडाम कोङनिमका नाम्‍सु़रु़ बेन्‍निम बु ए र्‍वाक्‍पा ल्‍वा गो थो़उतोम बु, मा गानीगोडाम कोलेका उमा रेन्दु़मो माम ङा जु़ल्‍लु़म बु ए। आरेप्‍माम नाम्‍सु़रु़ ने वाङसामामिमगोडा वो मेदु़म।

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

यहूदा 1:23

मु़चु़मिमलाई नियाकु मुड्‌डाम ख्‍लुक्‍साका सेल्‍नी। मु़चु़मिमडला न-थो़म रेम्‍बेनी, लावो छो़म चङको-चङकोका मेम बेनी। मेर्मिमकु छु़लका घ्राम्‍लु़पा दु़म्‍मुडाम वाङ बानी।

यहूदा 1:7

हेसाका सदोम शहर, गमोरा शहर नुङ मेर्चिपकु होनो-आथो़म शहरडाम मु़चु़मिमका मेघ्रेट्‌पा बेसाका वाङमिमनुङ अम्‍पा छो़म न बेम्‍डी। हेल्‍लो वो मेसिपा मुड्‌डा मेर्मिमका छो़म देन्‍दे ल्‍वासाका रेम्‍बेम्‍डिम बु।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

२ कोरिन्‍थी 12:7

माम्‍चु़नीका गोलाई रेम्‍बेट्‌ङिडिमिम हेल्‍लो वो मेल्‍वाम्‍मा ल्‍वाका गो डोक्‍पु मेलिसिङुनु़ र्‍वाक्‍साका माम्‍चु़नीका आमा मिरो़मडा चु़ ग्‍वाङ्‌डिमी। ओराम शैतानकु सेलाचो़ बाइडा, ओरामका छो़म आमा थो़मतेर्सु़ मा गोलाई डोक्‍पु लिसिमु मेग्‍वाङी।

२ कोरिन्‍थी 10:6

गानी माम्‍चु़नीका र्‍वामिमिम होङङा बेपा दु़न्‍निमिम चङडा गुमीका र्‍वामिमिम होङङा मेबेपा खोत्‍लेलाई गुकु देन्‍दे ग्‍वाकु।

२ कोरिन्‍थी 8:24

गानी मेर्मिमलाई त्वाकु रिखाम रेम्‍बेनी, मा गुकु हेङा इनीमा दुथाम नो़ डोक्‍पु बोनिमिम रेछा र्‍वाक्‍साका मण्डलीमिमका ल्वामु चाम्मिनु़।

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

रोमी 9:2

आमा द्‍वादीबुङ इस्राएली वा-ल्‍वाकमिमकाम लागि आमा थो़मबोक घ्रु़पा बु।