२ कोरिन्‍थी 12:2 - थुलुङ राई

² ख्रीष्‍टडा थो़रलु़पा कोले मु़चु़लाई गो छेपु, को-ब्‍ल (१४) थ ङादो गुलाई माम्‍चु़नीका खोत्‍लेडाम येप्‍पा पाह्रीला कोम्‍डी। गुलाई मिरो़मडा लम्‍डिम डे पेलडा डे लम्‍डी मेराम गो मेचक्‍पु, माम्‍चु़नीका चमी।

२ कोरिन्‍थी 12:2 Referans Kwoze

थु़र्मा 22:17

“यरूशलेमडा ख्‍लोसिङ्‌डोमा रोङडो, मा सो़रनेमगोनो सो़म्‍दी बेउतोम बाङडोलो गो मिक्‍सीलाम ल्‍वाउतो,

रेम्‍बेट्‌मिडिम ल्‍वा 4:2

माम्‍चु़नी-पेलका गो लु़न्‍सिल्‍याङ्‍डो, मा पाह्रीला आमा ङादोडा साखाम थो़पा कोले गन्‍खोप बाइडा मा मेसिन्‍डा कोले गन्‍तासिट्‌पा बाम्‍डी।

१ थेसलोनिकी 4:17

मेकोतिमा गुइ सामबाट्‌पा ने ङाचो़ येशूलाई धामुला क्रो़म्‍डा मेर्मिमनुङङा खासेडलामका माम्‍चु़नीका कोक्‍सामी। मेम्‍लो आथाम हेल्‍लो लोवो गुइ ङाचो़ येशूनुङ दु़म्‍सिमिम बुइ।

२ कोरिन्‍थी 11:11

हेङा गो आरे बेउतोम? गो गानीलाई रिखाम मेबोनिनिमिमका मा? गो गानीलाई रिखाम बोनिनी र्‍वाक्‍पा ल्‍वा माम्‍चु़नीका चमी।

रेम्‍बेट्‌मिडिम ल्‍वा 12:5

हपका मोक्‍पा होप्‍माम सेलकु डु़लु़म्‍चो़का खोत्‍ले नेब्‍दीडा साखाम थो़पा कोले तारापाचो़ मे मेसेमका कस्‍तु़। मेम्‍मा मे तारापाचो़ पाह्रीचो़का माम्‍चु़नीकाला मा उनीमा साखाम थो़पा गन्‍खोपला लडु़।

हिब्रू 9:24

येशू ख्रीष्‍ट मु़चु़का बनेबेम्‍मा सेपा खोमगोनो मेहुमिवा, उहेम आच्‍छाङाकाम सेपा खोम होप्‍माम कोङङा सो़। लावो गुमी ने पाह्रीलाम आच्‍छाङाकाम सेपा खोमडा लम्‍डी। गुमी ओम्‍लो इकीमा लागि माम्‍चु़नीकु ङादोडा बुमी।

एफिसी 4:10

ओराम सु़म्‍दिडा योम्‍डिम गुमीकाङा खोत्‍लेम थोकडला साखाम थो़मु लागि येप्‍पा पाह्रीलाम खोत्‍लेडाम डोक्‍पु खोमडा लम्‍डी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

गलाती 1:22

मेम्‍लोसम्‍म यहूदियाडाम ख्रीष्‍टकु मण्‍डलीमिमका हेल्‍लो वो गोलाई क्रो़म्‍ङिडिमिम मेबायावा।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

रोमी 16:7

एन्‍ड्रोनिकस नुङ यूनियस र्‍वाक्‍मा आमा त्‍वाकु मु़चु़चिप मा गोनुङङा चसिक्‍पा यहूदी ङोप्‍सो़मिमलाई आमा सेव र्‍वाङ्‍साङ्‍नी। थु़र्मामिमगोडा मेर्मिमकु नङ हापा दोस्‍ताम बाइडा। मेम्‍मा गो थो़रलु़मु हापा ङादोङा मेर्मिमका ख्रीष्‍टडा थो़र लु़म्‍डिम बाइडा।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

थु़र्मा 14:6

मेर्चिपका ओराम ल्‍वा थो़च्‍चिमा लुकोनियाडाम लुस्‍त्रा शहर, डर्बी शहर नुङ होनो-आथो़म देलबाडे स्‍वाच्‍ची।

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

लूका 24:51

गुमीका मेर्मिमलाई जि ग्‍वाक्‍तोङा बेम्‍डिलो मेर्मिमलाई पार्जो़ल्‍मिडिमा पाह्रीथो़ कोम्‍सिम्‍डी।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

२ कोरिन्‍थी 13:5

गानी आच्‍छाङा थो़र लु़न्‍निम बु डे मेएँ र्‍वाक्‍साका इनी त्‍वाका त्‍वापलाई छाम्‍नी। येशू ख्रीष्‍ट गानीगोडा बुमी र्‍वाक्‍पा गानी आच्‍छाङा चनी। गुमी गानीगोडा मेबुमी माला गानी गुमीडा थो़र बोनी र्‍वाक्‍पा ल्‍वा आच्‍छाङा मेएँ।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 16:9

गोनुङ कोयोङा ख्रीष्‍टकु खारी बेपा उर्बानस नुङ द्‍वादीबुङ ङोप्‍सो़ स्‍ताखुसलाई सेव र्‍वाङ्‌साङनी।

रोमी 16:10

ख्रीष्‍टकु खारीडा थो़रलु़इमिम अपोल्‍लोसलाई सेव र्‍वाङसाङ्‍नी। अरिस्‍तोबुलसकु नेमडाममिमलाई वो सेव बु।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।