२ कोरिन्‍थी 12:15 - थुलुङ राई

¹⁵ गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

२ कोरिन्‍थी 12:15 Referans Kwoze

१ थेसलोनिकी 2:8

गानीलाई गुकु छो़म रिखाम बेत्तोकोमका माम्‍चु़नीकु जो़पा-सेला गानीनुङ सो़मु कोङङा मेएँ, लावो इनीमा लागि आकीमा साम फ्‍यामु वो गेर्सिद्‌वाक्‍पा बात्तोको। हेङालोने गानी छो़म आकी द्‌वादीबुङ दु़म्‍निम बाइडा।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

२ कोरिन्‍थी 1:6

गुकु दु़खा ल्‍वात्तोकोम ने इनीमा न बन्‍सी नुङ सेल्‍सिसीकाम लागि सो़। मेम्‍मा गुकु माम्‍चु़नीलाम न-बन्‍सी ल्‍वात्तोको माला मेराम वो इनीमा न-बन्‍सीकाम लागि सो़। ओराम न बन्‍सीलामका गुकु इम्‍तोकोम होप्‍माम दु़खा गानी वो इम्‍मु चाप्‍नी।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

२ कोरिन्‍थी 2:3

गो रोङुलो आमा न भ्रसिबेन्‍मु बासिक्‍पा मु़चु़मिमका आमा न नो़मेबेन्‍मिनु़ र्‍वाक्‍साका ङादोम सेलाखाजेम गो र्‍याक्‍तोम सो़। आमा न भ्रसिलो इनीमा वो न भ्रसी र्‍वाक्‍पा गो थो़र लु़ङ्‌डोम बाइडा।

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

२ कोरिन्‍थी 12:14

ओम्‍लो गो इनीमाडा रोमु खाप्‍तोम बु। गो इनीमाडा रोङुमिम ने ओरामनुङ सु-खेप दु़म। लावो गो गानीनुङ हाम-हुम बिसाका दु़खा मेग्‍वानिनी। गो बिउमिम ल्‍वा ने इनीमा खाप्‍ची मेएँ, गानी इनी त्‍वाप ङा सो़। माम-पापकाम लागि चो़मिमका मेएँ, लावो चो़मिमकाम लागि डे माम-पापका खउलुङ फुसाका जु़ल्‍मु बासी।

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

२ कोरिन्‍थी 7:3

गानीलाई मुमा बेन्‍मु लागि गो आरे र्‍वाङुमिम मेएँ। गानीलाई ङादोङा र्‍वाङ्‌डोम बाइडा, गानीलाई गुकु छो़म रिखाम बोकु, गानीनुङ सिमु वो चाम्‍कु मा नु़मु वो चाम्‍कु।

गलाती 4:10

गानी यहूदी डु़म्‍ला होम्‍साकाङा नेममिम, मुनाममिम, जु थारी, ग्‍वाल थारी नुङ थ-थका दु़म्‍पा चाड माने बोनी।

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

२ कोरिन्‍थी 11:11

हेङा गो आरे बेउतोम? गो गानीलाई रिखाम मेबोनिनिमिमका मा? गो गानीलाई रिखाम बोनिनी र्‍वाक्‍पा ल्‍वा माम्‍चु़नीका चमी।

२ कोरिन्‍थी 4:12

मेम्‍मिमका गुकु राप्‍डा सित्तो गानीगोडा खारी बोकुलो गानी हेलो वो मेसिपा त्‍वारो़म ल्‍वानी।