२ कोरिन्‍थी 12:12 - थुलुङ राई

¹² गो गानीगोडा छो़म इम्‍सिक्‍साकानुङ हापा छेखोपमिम, हेल्‍लो वो मेल्‍वाम्‍मा नुङ यु़मनुङमा खारीमिम बेसाका गो येशू ख्रीष्‍टकु थु़र्मा र्‍वाक्‍पा ल्‍वा रेम्‍बेट्‌निनिम बु।

२ कोरिन्‍थी 12:12 Referans Kwoze

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

२ कोरिन्‍थी 11:6

गो जो़होमका जेमु मेथेट्‌पा बुङु लोवो गोनुङ नेप्‍ची बु। ओराम नेप्‍ची गुकु हेल्‍लो लोवो खोत्‍ले खारीडा गानीलाई जो़होमका रेम्‍बेत्तोकोम बु।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

१ कोरिन्थी 14:18

गो माम्‍चु़नीलाई आलासो़ र्‍वाङु, हेङालोने सामामिमकु ल्‍वाडा गानीडाम गो हापा जेङु।

यूहन्‍ना 4:48

येशूका मेरामलाई र्‍वाम्‍डी, “हेल्‍लो वो मेल्‍वानिवाम छेखोपमिम नुङ यु़मखारीमिम मेल्‍वाथु़मसम्‍म गानी हेल्‍लो वो थो़र मेबोनी।”