२ कोरिन्‍थी 11:7 - थुलुङ राई

⁷ माम्‍चु़नीकु जो़पा-सेला गानीलाई हाम वो मेरसाका मेडेङा थो़बेट्‌निनिमा गो आ त्‍वाप याक्‍के दु़म्‍ङोडो मा गानीलाई डोक्‍पु दु़म्‍बेट्‌निनी। हाम आरे बेउतोमका गो छु़ल बेउतो?

२ कोरिन्‍थी 11:7 Referans Kwoze

२ कोरिन्‍थी 12:13

गोलाई वाङमिम मण्‍डलीमिमका ख्‍लो़मु लागि ग्‍वाङ्‌डिमिम खउलुङ गो रउतो, लावो गानीनुङ ख्‍लो़ला मेसो़सिक्‍ङुवा। खउलुङ मेरउवा। गानीनुङ ओराम ल्‍वाडाम वाङमिम मेजो़पा बासी-दोसी हाम बेउतो मा? ओराम गो ख्‍लो़त्तोम ङा र्‍वाक्‍पा गानी मिम्‍नी माला गोलाई पाचो ग्‍वाङनिनी!

१ थेसलोनिकी 2:9

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

१ कोरिन्थी 9:6

डे हाम गो नुङ बारनाबासका कोङङा आची ख्‍वाचेप डु़ल्‍मु लागि खारी बोमु बासी मा?

२ थेसलोनिकी 3:8

गुकु खउलुङ मेसोक्‍साका सु़काम वो मेडे मेपेसाक्‍कुवा-मेडुसाक्‍कुवा। लावो गानी सु़लाई वो दु़खा मेग्‍वामु र्‍वाक्‍साका नेम्‍फु-सिन्‍था खारी बेत्तोको।

थु़र्मा 20:34

ओराम ल्‍वाका ङा आ त्‍वाप मा गोनुङ बाट्‌पामिमलाई चाहेदु़म्‍पा खोत्‍ले बु़साड्‌डु़मिम गानी चनिमिम ङा बु।

१ कोरिन्थी 9:12

वाङमिम मु़चु़का गानीलामका ख्‍लो़ला सो़म्‍सिमु ल्‍वामी माला हाम गुकु मेर्मिमडाम हापा ल्‍वामु बासिक्‍पा मेएँ मा? लावो गुकु ने मेम मेबेकुवा, येशू ख्रीष्‍टकु दुथाममिम जो़पा-सेला थो़बेन्‍मु मेभोम्‍सिनु़ र्‍वाक्‍साका गुकु खोत्‍ले इम्‍कु।

थु़र्मा 20:33

गो सु़काम वो सो़ना, मतो नुङ ये-सेमकाम रारी मेबेउवा।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

२ कोरिन्‍थी 2:12

ख्रीष्‍टकु दुथाम जो़पा-सेला थो़बेड्‌डा गो त्रोआस शहरडा रोङडोलो ङाचो़का आमा लागि लाम्‍चोको होल्‍साङ्‌डिमिम बाइडा।

२ कोरिन्‍थी 10:16

मेम्‍साका गुकु इनीमाडाम होनोवाम खोममिमडा जो़पा-सेला थो़बेन्‍मु चाम्‍कु। हेङालोने वाङमिम मु़चु़मिमका ङादोङा बोम्‍सोमु दु़म्‍मिडिम खारीडा डोक्‍पु लिम्‍सिमु आकीमा न मिबु।