२ कोरिन्‍थी 11:6 - थुलुङ राई

⁶ गो जो़होमका जेमु मेथेट्‌पा बुङु लोवो गोनुङ नेप्‍ची बु। ओराम नेप्‍ची गुकु हेल्‍लो लोवो खोत्‍ले खारीडा गानीलाई जो़होमका रेम्‍बेत्तोकोम बु।

२ कोरिन्‍थी 11:6 Referans Kwoze

एफिसी 3:4

गो र्‍याक्‍तोम ल्‍वा गानी डाट्‌नी माला ख्रीष्‍टकु दुथाम सु़का वो मेचक्‍मिवाम ल्‍वा आच्‍छाङा गो चक्‍पु र्‍वाक्‍साका गानी थेसिथेनी।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

१ कोरिन्थी 1:17

हेङालोने ख्रीष्‍टका गोलाई कु-रु़दु़म ग्‍वाप्‍डा मेएँ, जो़पा-सेला थो़बेड्‌डा थु़र्ङिडिमिम। मिनी नेप्‍चीडाम ल्‍वा मेसो़साका जो़पा-सेला थो़बेड्‌डा गुमीका गोलाई थु़र्ङिडिमी, मेएँ माला ने क्रूसडला ख्रीष्‍ट सिम्‍डिम हाम ना हामकाम दु़प्‍सावा।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

२ कोरिन्‍थी 12:12

गो गानीगोडा छो़म इम्‍सिक्‍साकानुङ हापा छेखोपमिम, हेल्‍लो वो मेल्‍वाम्‍मा नुङ यु़मनुङमा खारीमिम बेसाका गो येशू ख्रीष्‍टकु थु़र्मा र्‍वाक्‍पा ल्‍वा रेम्‍बेट्‌निनिम बु।

२ कोरिन्‍थी 10:10

“पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

१ कोरिन्थी 2:13

उहेम ल्‍वा गुकु जेकु मेर्मिम ल्‍वा मु़चु़कु नेप्‍चीलाम सीसिक्‍तोकोम मेएँ, लावो माम्‍चु़नी-पेलका सीत्तिकिम होम्‍साका माम्‍चु़नी-पेल ल्‍वापामिमलाई आच्‍छाङाकाम माम्‍चु़नी-पेलकु ल्‍वा सो़कु।

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,