२ कोरिन्‍थी 11:3 - थुलुङ राई

³ ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

२ कोरिन्‍थी 11:3 Referans Kwoze

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

कलस्‍सी 2:4

उहेम मु़चु़का वो गानीलाई मेर्मिमकु लिमा सीसिमिमथो़ थो़र लु़बेन्‍मु लेम्‍मु मेचाम्‍निमिनु़ र्‍वाक्‍साका ओराम ल्‍वा गानीनुङ र्‍वाङुमिम। मेर्मिमकु सीसि थो़रलु़इमिम होप्‍माम ल्‍वासी लावो आच्‍छाङा मेएँ सो़।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

१ तिमोथी 2:14

शैतानका लु-फेले बु़डु़म वो आदम मेएँ हव्‍वा। मेम्‍मा हव्‍वा छु़लचो़ दु़स्‍ता।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

यूहन्‍ना 8:44

इनीमा पाप शैतान। गानी उमा चो़मिम। इनीमा पापकु न होङङा बोमु गानी न बोनी। मेराम ने सु़म्‍दिमोलो आथामङा मु़चु़ सेट्‌पा बाइडा। मेरामका आच्‍छाङाकाम ल्‍वा हेल्‍लो लोवो मेद्‌वाकु़वा, हेङालोने गुनुङ आच्‍छाङाकाम ल्‍वा वो मिबु। मेरामका लिमा थेडु़लो उ बेसी-दोसी होम्‍साकाङा जे, हेङालोने मेराम लिमाचो़, मा मु़चु़मिमलाई लिमा थेन्‍बेट्‌पा।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

गलाती 4:11

गो इनीमा लागि बेत्तोङा लेट्‌पुमिम ब्राम्‍दु़ल्‍वा हाम ना हामकाम दु़म डे, र्‍वाक्‍पा गोलाई ङिमलु़डा।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

गलाती 2:4

लावो कोङनिम थो़रलु़पा लिसिक्‍पा वा-ल्‍वाकमिम आकीमा सामागोडा रोम्‍डिमा कोक्‍ते खिरिरि दु़म्‍मु बासी र्‍वाम्‍डी। हेङालोने गुकु येशू ख्रीष्‍टनुङ कोले दु़म्‍साका मोशाकु डु़म्‍ला होम्‍साका दोमु बासिक्‍पा ल्‍वाडाम वाङ दु़म्‍तोकोम बाइडा, मा मेर्मिमका गुकु वाङ दु़म्‍तोकोम ल्‍वाकु दुथाम गो-गो चो़पा बेसाका आथावो उनीमा यहूदी डु़म्‍लाकु डु़ल्‍चो़ होप्‍मामङा दु़म्बेन्‍मु माल्‍तिकिम बाइडा।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।

तीतस 1:10

हाम ना हामकु ल्‍वा बेपा, वाङमिमलाई लु-फेले बेपा मा र्‍वाकिमिम मेथो़पा मु़चु़मिम हापाङा दु़म्‍मी। सेल्‍सिमु लागि खिरिरि-क्रिप्‍सी बोमुङा बासी र्‍वाक्‍पामिमगोडाम आरेप्‍माम मु़चु़मिम ने हापाङा बुमी।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

२ कोरिन्‍थी 11:29

कोङनिम मेचापा दु़म माला गो वो मेचापा दु़म्‍ङु। कोङनिम मु़चु़का कोङनिमलाई छु़ल बेबेड्‌डु़ माला गो छोक्‍चोका मु होप्‍मामङा दु़म्‍ङु।

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

रेम्‍बेट्‌मिडिम ल्‍वा 20:2

गुका मे डोमिफु चु़म्‍डु़मा को धु़म सङ थसम्‍म बड्‌डु़। डोमिफु ने माकेम ब्‍लो लोवो मुनाङपेलकु हप लोवो शैतान सो़।

२ कोरिन्‍थी 11:20

कोङनिम मु़चु़का गानीलाई डु़ल्‍चो़ होङङा बोनी लोवो, इनी खउलुङ पोन्‍सानी लोवो, पेरडा फिनिमी लोवो, गानीलाई डनिमी लोवो, इनी कलडा फोनिमी लोवो गानी इम्‍नी रेछा।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

रेम्‍बेट्‌मिडिम ल्‍वा 12:15

मेकोतिमा मे मेसेमलाई सेपबक्‍ल्‍याट्‌नु़ र्‍वाक्‍साका ब्‍लोकु होप्‍माम कु मे डोमिफुका उमा सिलामका फोस्‍ता।