२ कोरिन्‍थी 11:27 - थुलुङ राई

²⁷ गो छो़म मेझापा नुङ घ्रु़म्‍पा खारी बेउतो मा हापा खेप मेअम्‍ङुवा। गो क्रु़म कोडा सिङडो मा हापा खेपङा पोमुडुमु मान्‍थिम दु़म्‍ङोडो। ये-सेम मान्‍थिम दु़म्‍ङोडो मा जुका क्रो़न्‍ङिडी।

२ कोरिन्‍थी 11:27 Referans Kwoze

फिलिप्‍पी 4:12

मेलिट्‍पाडा हेसाका बुमु बासी मा लिट्‌पाडा हेसाका बुमु बासी र्‍वाक्‍पा गो चक्‍पु। ख्‍वाचेप कोदोडा दु़म्‍नु़का क्रु़मडा, लिट्‌पाडा दु़म्‍नु़का मेबासीडा, खोत्‍ले थारीडा गो तिम्‍सिमुमा हेसाका बुमु बासी गो सीसिङ्‌डोम बु।

२ कोरिन्‍थी 6:5

गुकु याल्‍ला सो़सित्तोको, चला सो़सित्तोको मा मु़चु़मिमलाम मेजो़पा बेला सो़सित्तोको, ब्राम्‍दु़ल्‍वा बेत्तोको, सिन्‍था अम्‍मु मेल्‍वाकुवा मा क्रु़मङा बात्तोको।

१ थेसलोनिकी 2:9

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।

२ थेसलोनिकी 3:8

गुकु खउलुङ मेसोक्‍साका सु़काम वो मेडे मेपेसाक्‍कुवा-मेडुसाक्‍कुवा। लावो गानी सु़लाई वो दु़खा मेग्‍वामु र्‍वाक्‍साका नेम्‍फु-सिन्‍था खारी बेत्तोको।

हिब्रू 11:37

वाङमिमलाई मु़चु़मिमका लुङका ओप्‍मिडी, याङलाई आराका चेर्मिडी, याङलाई कातु़रु़का सेट्‌मिडी। याङका ने भेन्‍दाकु कोक्‍ते नुङ छ्‌वाराकु कोक्‍तेमिम फसिक्‍साका हाम वो मेबासाका लाम्‍दिम्‍बाल्‍मिडी। मेर्मिमलाई मु़चु़मिमका उनी थो़मतेर्साम्‍डी मा मेजो़पा बेम्‍डी।

२ कोरिन्‍थी 11:23

हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।

१ कोरिन्थी 7:5

वोचु़-मोचु़ अम्‍मुडाम उची त्‍वापलाई वाङ मेबोचिनु़। वाङ दु़म्निङा लोवो त्‍वाप-त्‍वापडा मुलु़ बेसाका सो़म्‍दी बोमु लागि कति दु़पा थारीका वाङ दु़म्नी। मेम्‍मा आथावो कोयो बानी, मेएँ माला ने इनी त्‍वापलाई जो़होमका मेजु़ल्‍निमिमका शैतानका गानीलाई छु़ल वाम्बेन्मु चाम्नी।

थु़र्मा 14:23

मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

थु़र्मा 20:31

मेम्‍मिमका ओराम ल्‍वा मिम्‍निमा चङचङया बानी वो! गो हेसाका सु थसम्‍म नेम्‍फु-सिन्‍था ख्राप्‍तो खोत्‍ले मु़चु़मिमलाई चङचङया बाबेत्तोमिम बाइडा।

मत्ती 17:21

[लावो उपास बासाका नुङ सो़म्‍दी बेसाका कोङङा आरेप्‍माम मुनाङ ने कोल्‍मु झाम।]”