25 सु-खेप गोलाई डु़लु़म्चो़का याल्ङिडिमी, कोखेप लुङका ओप्ङिडिमी, गो हुङडोम डोक्पु कुबी-बोक्सा सु खेप जस्ता। कोखेप ने कोलेम नुङ को सिन्था दिरिदिनडा वो बाङडो।
मेकोतिमा एन्टिओखिया शहर नुङ आइकोनियन शहरलामका यहूदीमिम रोम्डी, मा पावलकु कोर्थो़लाम बमु मे मु़चु़मिमलाई लेम्मिडी। मेर्मिमका पावललाई लुङका ओप्मिडी, मा सिडा र्वाक्पा मिम्सिम्डिमा शहरकु पाखाथो़ थु़त्तो लम्डी।
वाङमिमलाई मु़चु़मिमका लुङका ओप्मिडी, याङलाई आराका चेर्मिडी, याङलाई कातु़रु़का सेट्मिडी। याङका ने भेन्दाकु कोक्ते नुङ छ्वाराकु कोक्तेमिम फसिक्साका हाम वो मेबासाका लाम्दिम्बाल्मिडी। मेर्मिमलाई मु़चु़मिमका उनी थो़मतेर्साम्डी मा मेजो़पा बेम्डी।
लावो पावलका सिपाहीमिमनुङ र्वाक्ता, “गुचुकु रोमीकाम नागरिक बात्तो-बात्तो वो खोत्ले मु़चु़मिमकु ङादोडा हिलाहिसी मेबेसाका ङा मेर्मिमका याल्चिकिमिमा चक्चिकिमी। मेकोतिमा आकोतिलो ने गुचुकुलाई लिबावा डिन्सोमु न बोमी? मेमका ने मेनु़। मेर्मिम उनी त्वाप ङा रोमिनु़, मा गुचुकुलाई डिन्चिकिमिनु़।”
सिन्थाम मेराम थारीका ङा मेरामका पावल नुङ सिलासलाई लडु़चिमा उची पार सो़ल्साड्डु़ची। मेकोतिमा डोक्पु मु़चु़ नुङ उ नेमडाम खोत्लेका कु-रु़दु़म रम्ल्याम्डी।
वाङसामा नुङ यहूदीमिमका उनी साखामचो़मिमनुङ दु़म्साका थु़र्माचिपलाई दु़खा ग्वामु नुङ लुङका ओम्मुमा सेन्मु माल्मिडी।
“लावो बोम्था बेपा मु़चु़मिमका उ डु़ल्चो़मिमलाई चु़म्मिडी, मा कोलेलाई डेप्मिडी, कोलेलाई सेट्मिडी, मा कोलेलाई लुङका याक्साका सेट्मिडी।
कमाण्डरका र्वाक्ता, “पावललाई ब्यारेकगोनो रेट्नी, मा हेङा मेरामकु कोर्थो़लाम मेर्मिम येमिमिम बुमी, मेराम थेसिथेन्मु कोक्तेकु रिवाका याल्तो हिलाबेनी।”
मेकोतिमा गुलाई नालेडान्मु, कोक्तेकु रिवाका याल्मु, मा क्रूसडा चेन्मु मेर्मिमका वाङसामाकाडा ग्वामी। लावो सुलेम नेम गु सिमुलाम बगे।”
हेल्लो लोवो थो़रनुङमा दु़म्सामा जो़पा हाम थेट्नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्ताम बु।