२ कोरिन्‍थी 11:22 - थुलुङ राई

²² हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

२ कोरिन्‍थी 11:22 Referans Kwoze

फिलिप्‍पी 3:5

गो लेतलेम नेमकाम बाङडोलो आमा कोक्‍ते खिरिरि क्रिप्‍सी दु़स्‍ताम। गो इस्राएलीमिमगोडाम बेन्‍यामिन दोचो़लाममिम। गो आच्‍छाङाम हिब्रू, हेङालोने आमा मामपाप हिब्रू सो़। डु़म्‍लाकु दुथाम र्‍वाकी माला गो मेरामडा जो़मका दोपा कोले फरिसी,

रोमी 11:1

मेम्मिमका गो हिलाबेउ, हाम माम्‍चु़नीका इस्राएलीमिमलाई ङेट्‌मिडी? हेल्‍लो वो मेएँ, हेङालोने गो आ त्‍वाप वो अब्राहामकु चो़-चु़सु़ बेन्‍यामीनकु दोचो़गोडा गङ्‍डोम कोङ इस्राएली सो़।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

मत्ती 3:9

‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा इनी त्‍वाप-त्‍वापगोडा मेमिम्‍सिट्‌नी, हेङालोने गो गानीलाई र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

थु़र्मा 6:1

मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।