२ कोरिन्‍थी 11:21 - थुलुङ राई

²¹ र्‍वामु क्रो़म लु़पा लोवो गो सो़मु बास्‍ता, गुकु छो़म ङिजो़ल्‍पा दु़म्‍तोकोमका मेर्मिम होङङा बोमु मेचाप्‍कुवा। मेर्मिमका उहेम ल्‍वाडा डोक्‍पु लिसिमी आथावो गो वो नेप्‍ची मान्थिम दु़म्‍साका मेराम ल्‍वाडा ङा डोक्‍पु लिसिङु।

२ कोरिन्‍थी 11:21 Referans Kwoze

२ कोरिन्‍थी 10:10

“पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।

२ कोरिन्‍थी 11:17

मेप्माम डोक्‍पु लिसिसी ने ङाचो़लाममिम मेएँ, लावो ओम्‍लो गो नेप्‍ची मान्‍थिम मु़चु़ होप्माम दु़म्‍साका जेत्तोङा बेउ।

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 6:8

मु़चु़मिमका डोक्‍पु बोकिमी लोवो याक्‍के बोकिमी लोवो, आकीमा नङ कोमि लोवो डकिमि लोवो गुकु माम्‍चु़नीकु लाले-पाङके बोकु। मु़चु़का गुकुलाई लु-फेलेचो़ बोकिमी, लावो थो़रलु़इमिम बुकु।

२ कोरिन्‍थी 11:1

गो किचो़ नेप्‍ची मान्‍थिम दु़म्साका र्‍वाङुलो गानी इम्‍नी र्‍वाक्‍पा आमा न बु। आच्‍छाङा गानी मेम्‍साका इम्‍सिट्‍नी।