२ कोरिन्‍थी 11:15 - थुलुङ राई

¹⁵ मेम्‍मिमका शैतानकु डु़ल्‍चो़मिमका वो माम्‍चु़नीकु न होप्‍माम डु़ल्‍चो़ होङङा रेम्‍बेसिक्‍पा ल्‍वाडा ङाङाया दु़म्‍मु मेबासी। मेर्मिम ने हाम ल्‍वामुका घ्रेट्‌पा बुमी मेराम दिफु ल्‍वामी।

२ कोरिन्‍थी 11:15 Referans Kwoze

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

रेम्‍बेट्‌मिडिम ल्‍वा 9:11

घ्‍लु़म्‍पा पोलु़मचो़ ने मेर्मिमकु हप बाइडा, मेरामकु नङ हिब्रू ल्‍वाडा ‘एबाड्डोन’ मा ग्रीक ल्‍वाडा ‘अप्‍पोलियोन’ सो़।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।

२ कोरिन्‍थी 3:9

मु़चु़लाई मुमा बेट्‌पा डु़म्‍लाकु खारी ने यु़म झ्‍वाक्‍पा बाइडा माला, मु़चु़मिमलाई माम्‍चु़नीकु ङादोडा जो़पा दु़म्‍बेट्‌पा खारी ने मेरामडाम वो हापा यु़म-झ्‍वाक्‍पा दु़म।

थु़र्मा 13:10

मेम्‍मा र्‍वाक्‍ता, “गाना मुनाङकु चो़, जो़पा ल्‍वामिम खोत्‍लेकु स्‍वाक्‍चिमो, खोत्‍ले मेजो़पा खारी बेपा नुङ छो़म लिमाचो़ बुना। हाम गाना माम्‍चु़नीकु जो़पा लाम्‍दी फाल्‍मु हेल्‍लो वो मेडिना?

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 13:2

गो आ मिक्‍सीका ल्‍वाउतोम मे हादीबारा रेचेरे होङङा बेपा बाइडा, लावो उ खेल होमुकाम होप्‍माम बाइडा, मा उ सि धेन्‍द्राकाम होप्‍माम बाइडा। मे डोमिफुका उ यु़म, हप होङका उ गन्‍खोप नुङ डोक्‍पु साखाम मे हादीबारालाई ग्‍वाक्‍तु़।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

२ कोरिन्‍थी 11:23

हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।

१ कोरिन्थी 9:11

गानीगोडा गुकु त्‍वारो़मकु भ्रल फोत्तोकोम बु माला आकीमा मिरो़मकाम लागि हाम गानीलाम हाम हुम रमु मेनु़ मा?

रोमी 2:6

हेङालोने गुमीका खोत्‍ले मु़चु़मिमलाई उमा खारी होम्‍साका पुरस्‍कार ग्‍वामी।

रोमी 3:8

हाम हुम जो़पा दु़म्‍नु़ र्‍वाक्‍साका गुइ छु़ल बिइ र्‍वाक्‍साका र्‍वाक्‍ति ए। कोङनिमका गुइलाई आरेप्‍माम मुमा बेसामी। आरेप्‍माम मुमा बेट्‍पा मु़चु़मिमलाई उनी सि होम्‍साका देन्‍दे ल्‍वामी।