२ कोरिन्‍थी 11:10 - थुलुङ राई

¹⁰ ख्रीष्‍टकु आच्‍छाङाकाम ल्‍वा गोनुङ बुमिमका गो र्‍वाङु, आरेप्‍माम ल्‍वाकु दुथाम डोक्‍पु लिसिमुडा अखैया इलाकाडाम सु़का वो गोलाई भोम्‍मु मेचाम्ङिमी।

२ कोरिन्‍थी 11:10 Referans Kwoze

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

२ कोरिन्‍थी 1:23

माम्‍चु़नीलाई आमा दुथाम सो़पा मिम्‍साका गो आच्‍छाङा र्‍वाङु, गानीलाई आथावो हापा दु़खा मेग्‍वानिनी र्‍वाक्‍साका गो कोरिन्‍थडा ख्‍लोसिक्‍साका मेरोङुवा।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

१ थेसलोनिकी 2:10

गानी थो़रलु़पामिमनुङ बात्तोकोलो गुकु सेपा मु़चु़, माम्‍चु़नीकु ङादोडा जो़पा दु़म्‍पा, मा हाम वो मेख्‍लो़ट्‌पा बात्तोको। मेराम ल्‍वापा गानी बुनी मा माम्‍चु़नी वो बुमी।

१ थेसलोनिकी 2:5

ओराम ने गानी वो जो़होमका चनी, गुकु हेल्‍लो वो गानीनुङ लोमालेपा ल्‍वा मेबेकुवा, गानीलाम खउलुङ ल्‍वामु लागि गुकु हेल्‍लो वो इनीमा ङोप्‍सो़ मेलिसिट्‌कुवा। आकीमा दुथाम खोत्‍ले ल्‍वापा माम्‍चु़नी बुमी।

गलाती 1:20

गो र्‍याक्‍तोम ल्‍वा आच्‍छाङा सो़, माम्‍चु़नीका ओराम ल्‍वा चमी। उनीमा ङादोडा गो लिमा मेथेट्‌पु।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

२ कोरिन्‍थी 11:31

ङाचो़ येशूकु माम्‍चु़नी नुङ पापकाम हेल्‍लो लोवो नङ कोसिनु़, गो लिमा मेथेट्‌पु र्‍वाक्‍पा ल्‍वा गुमीका चमी।

२ कोरिन्‍थी 11:12

गो बेउतोम खारी बेउहोमङा बुङु। मेम दु़स्‍तामका मे उनी त्वाकाङा कोसिक्‍साका थु़र्मा लिसिक्‍पा मु़चु़मिमका गुकु होप्मामङा खारी बेत्तोको र्‍वाक्‍साका डोक्‍पु लिम्‍सिमु मेल्वामी।

२ कोरिन्‍थी 10:15

वाङमिमका बेम्‍डिम खारीडा गुकु आकी त्‍वाका बेत्तोकोम र्‍वाक्‍साका डोक्‍पु मेलिसिन्‍कु। लावो इनीमा थो़र बर्तो ललो गानीगोडा दु़म्‍पा आकीमा खारी वाङमिम खोमथो़ वो बर्तो लनु़ र्‍वाक्‍पा आकीमा न बु।

२ कोरिन्‍थी 9:2

हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

रोमी 16:5

मेर्चिपकु नेमडा खोम्‍सिक्‍पा मण्‍डलीमिमलाई सेव र्‍वाङ्साङनी। आमा द्‍वादीबुङ ङोप्‍सो़ एशियाडा खोत्‍लेडाम ङादोम थो़रलु़पा इपेनितसलाई सेव बु।

थु़र्मा 18:27

मेकोतिमा अपोल्‍लोस अखैयाडा लमु न बु़डु़। एफिससडा बाट्‌पा थो़रलु़पामिमका गुलाई लमु उ सो हन्‍बेन्‍साम्‍डी, मा अपोल्‍लोसलाई रनी र्‍वाक्‍साका मेसिन्‍डाम सीसिपामिमलाई कोले सेलाखाजेम वो र्‍याम्‍सोम्‍डी। अखैयाडा रोक्‍थिड्‌डामा गुका माम्‍चु़नीकु दिदामका येशूडा थो़रलु़पामिमलाई छो़म ख्‍लो़यु़डु़मी।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।