२ कोरिन्‍थी 11:1 - थुलुङ राई

¹ गो किचो़ नेप्‍ची मान्‍थिम दु़म्साका र्‍वाङुलो गानी इम्‍नी र्‍वाक्‍पा आमा न बु। आच्‍छाङा गानी मेम्‍साका इम्‍सिट्‍नी।

२ कोरिन्‍थी 11:1 Referans Kwoze

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

२ कोरिन्‍थी 11:21

र्‍वामु क्रो़म लु़पा लोवो गो सो़मु बास्‍ता, गुकु छो़म ङिजो़ल्‍पा दु़म्‍तोकोमका मेर्मिम होङङा बोमु मेचाप्‍कुवा। मेर्मिमका उहेम ल्‍वाडा डोक्‍पु लिसिमी आथावो गो वो नेप्‍ची मान्थिम दु़म्‍साका मेराम ल्‍वाडा ङा डोक्‍पु लिसिङु।

२ कोरिन्‍थी 11:19

नेप्‍ची मान्‍थिम मु़चु़मिमकु ल्‍वा गेर्सी द्‍वाक्‍तो थो़प्‍साक्‍पा गानी हाङको छो़म नेप्‍चीनुङमा मु़चु़मिम!

२ कोरिन्‍थी 5:13

गुकु आकीमा न मान्‍थिम बुकु माला माम्‍चु़नीकाम लागि न मान्‍थिम बुकु, मा गुकु आकीमा ननुङमा बुकु माला इनीमा लागि ननुङमा बुकु।

हिब्रू 5:2

मेचक्‍साका मेजो़पा खारी बेपा नुङ लाम्‍दी ख्‍लो़ट्‌पामिमनुङ गु याक्‍के दु़म्‍साका दो बु। हेङालोने उ त्‍वाप वो छु़ल बोमु चापा मु़चु़ सो़।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

१ कोरिन्थी 4:8

गानी खोत्‍लेका छो़म लिन्‍ल्‍याट्‌निम बु ए! गानी खाप्‍चीनुङमा दु़म्‍निम बु ए! गुकु मान्‍थिङा गानी हप दु़म्‍निम बु ए! हाम गानी आच्‍छाङा हप दु़म्‍निवाम माला गुकु गानीनुङ साखाम मेथो़कुवा मा?

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

थु़र्मा 26:29

पावलका र्‍वाक्‍ता, “कति दु़पा दु़म्‍नु़का हापा दु़पा ल्‍वाका दु़म्‍नु़ गानी कोङङा मेएँ, आनेप आमा ल्‍वा थो़पा खोत्‍ले ङा गो होप्‍माङा दु़म्‍मिनु़, लावो गो होम्‍साका सेल रिवाका बन्‍सिसाका ने मेएँ र्‍वाक्‍साका गो माम्‍चु़नीडा सो़म्‍दी बेउ।”

थु़र्मा 18:14

पावलका जेमु ङा खाप्‍डु़म थारीका गलियोनका मे यहूदीमिमलाई बु़डु़मी, “यहूदीनी, ओराम मु़चु़का कोङनिम मेजो़पा खारी नुङ छो़म मेजो़पा ख्‍लाम्‍या बु़वाम माला ने गो इनीमा ल्‍वा थो़उवा,

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”