२ कोरिन्‍थी 10:7 - थुलुङ राई

⁷ गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।

२ कोरिन्‍थी 10:7 Referans Kwoze

२ कोरिन्‍थी 5:12

आरे र्‍वाक्‍साका गुकु आथावो इनीमा ङादोडा आकीमा त्‍वाकु दुथाम डोक्‍पुतो ल्‍वा बोमु माल्‍तोकोम मेएँ, लावो गुकुडा गानी डोक्‍पु लिन्‍सिट्‌नी र्‍वाक्‍साका गानीलाई जो़पा थारी ग्‍वामु माल्‍तोकोम बु। मेम्‍साका न-गोडा बाट्‌पा ल्‍वाडा मेएँ, मिक्‍सीका ल्‍वासिक्‍पा ल्‍वाडा डोक्‍पु लिसिक्‍पा मु़चु़लाई गानी सि तुमु चाम्‍नी।

१ कोरिन्थी 14:37

कोङनिम मु़चु़का उ त्‍वापलाई माम्‍चु़नीलाम जेपा लोवो माम्‍चु़नी पेललाममिम राप्‍लावा ल्‍वापा मु़चु़ मिम्‍सी माला गो र्‍याक्‍तोम ल्‍वा ङाचो़ येशूका र्‍वाम्‍डिम र्‍वाक्‍साका रङु़नु़।

२ कोरिन्‍थी 11:23

हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।

यूहन्‍ना 7:24

ङाली रेप्‍साका मेएँ, जो़होमका निया बेनी।”

१ यूहन्‍ना 4:6

लावो गुइ ने माम्‍चु़नीकाम सो़। मेम्‍मिमका उहेम मु़चु़का माम्‍चु़नी छेडु़ मेरामका इकीमा ल्‍वा थो़सु़। उहेम मु़चु़ माम्‍चु़नीकाम मेएँ मेरामका इकीमा ल्‍वा मेथो़सु़। ओरामलामकाङा आच्‍छाङाकाम पेल नुङ लिमा पेल छेडी।

१ कोरिन्थी 9:1

हाम गो वो वाङमिम होम्साका त्‍वाकु नसीहोमका दोमु मेचापु मा? हाम गो थु़र्मा मेएँ मा? हाम गो इकी ङाचो़ येशू ल्‍वाउतोमिम मिबु मा? हाम ङाचो़कु खारी बेसाका गो ल्‍वान्‍निनिम गानी ङा मेएँ मा?

१ कोरिन्थी 3:23

गानी ख्रीष्‍टकाम, मेम्‍मा ख्रीष्‍ट ने माम्‍चु़नीकाम सो़।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

२ कोरिन्‍थी 13:3

मेकोतिलो ख्रीष्‍ट गोलामका जेमी डे मेएँ र्‍वाक्‍साका गानी रेम्‍मु माल्‍निम ल्‍वा डार्नी। गुमीका गानीगोडा खारी बोमिलो गुमी मेचापा मेबुमी, लावो छो़म यु़मनुङमा बुमी।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

२ कोरिन्‍थी 11:18

हापा मु़चु़मिमका सु़म्‍दिसेरडाम बेसी होङङा डोक्‍पु लिसिम्‍डिमका गो वो डोक्‍पु लिङ्‌सिङु।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।

मत्ती 23:5

“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।