Biblia Todo Logo
Bib sou entènèt

- Piblisite -




२ कोरिन्‍थी 10:5 - थुलुङ राई

5 मु़चु़मिमका माम्‍चु़नीलाई छेमुडाम वाङ बेपा खोत्‍ले डोक्‍पु लिसिक्‍पा ल्‍वालाई गुकु ओराम गिजो-वाजोका पुयु़लुकु़। मेर्मिमकु नगोडा बाट्‍पा खोत्‍ले मेजो़पा ल्‍वामिम ओराम गिजो-वाजोलामका गुकु आकीमा साखामगोडा जु़ल्‍कु मा ख्रीष्‍टका र्‍वामिमिम होङङा मेर्मिमलाई बेबेन्‍कुमी।

Gade chapit la Kopi




२ कोरिन्‍थी 10:5
48 Referans Kwoze  

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।


लावो आमा अंगमिमडा कोङमी ल्‍वाकु यु़मका आमा न-गोडा बाट्‍पा यु़मनुङ क्‍वाल्‍बा बु़। मेम्‍मा नगोडा बाट्‍पा ओराम छु़लनुङमा यु़मका गोलाई बन्‍थाङी।


हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।


मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।


हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”


माम्‍चु़नीकु सिजेमका आरेसाका र्‍वा, “ननुङमा मु़चु़मिमकु न गो डाम्‍साक्‍पुमी, मा नेप्‍चीनुङमामिमकु उनी नेप्‍ची हाम ना हामकाम दु़म्‍बेट्‌पु।”


आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।


आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।


मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।


गुमीका उनीमा ल्‍वाका उनीमा यु़म रेम्‍बेम्‍डिम बु, मा डोक्‍पु लिसिक्‍पामिमकु नगोडाम डोक्‍पु लिसिसी पुयु़ लुट्‌मिडिम बु।


माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।


गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।


लावो ओम्‍लो माम्‍चु़नीलाम जेपामिमका र्‍याम्‍डिम खाजेमडा थेसीथेट्‍पा बेसाका र्‍याक्‍मा बु। हेल्‍लो लोवो दु़म्‍पाम बाट्‍पा माम्‍चु़नीका र्‍वाम्‍डिम होम्‍साका खोत्‍ले मु़चु़का ख्रीष्‍टडा थो़रलु़साका गुमीका र्‍वामिमिम थो़पा दु़म्‍मिनु़ र्‍वाक्‍साका ओराम थक्‍मा जो़पा-सेला खोत्‍ले सामाकाम मु़चु़मिमगोडा थो़बेट्‍मा बु।


इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।


ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।


कोङनिम मु़चु़का गानीलाई डु़ल्‍चो़ होङङा बोनी लोवो, इनी खउलुङ पोन्‍सानी लोवो, पेरडा फिनिमी लोवो, गानीलाई डनिमी लोवो, इनी कलडा फोनिमी लोवो गानी इम्‍नी रेछा।


मेम्‍मा खोत्‍ले थेसिथेन्मुडाम वो डोक्‍पु माम्‍चु़नीकु न भ्रसी बेसीका ख्रीष्‍ट येशूडा इनीमा न नुङ गो बोमी-थार्मी।


Swiv nou:

Piblisite


Piblisite