२ कोरिन्‍थी 10:2 - थुलुङ राई

² गो गानीलाई छो़म र्‍वाङु, गो इनीमाडा रोङुलो मेङिसाका भुर्मु बासिक्‍पा ल्‍वा बोमु मेबासिनु़। मेराम मेङिसाका भुर्मु बासिक्‍पा ल्‍वा ने गुकुलाई ओराम सु़म्‍दिसेरडाम मेजो़पा नका खारी बेत्तोङा लेनी र्‍वाक्‍पा मु़चु़मिमनुङ गो बेपा मुलु़ बेउतोम बु।

२ कोरिन्‍थी 10:2 Referans Kwoze

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 13:2

गो ङादो नकखेपमिम खेपडा गानीनुङ बाङडोलो गानीलाई ङिम साट्‌निनिम बाइडा। ओम्‍लो गानीनुङ मेबुङु लोवो मेरामङा ल्‍वा र्‍वाङु: गो आथावो रोङुलो ङादो छु़ल बेपामिम सु़लाई लोवो गो मेडिट्‍पुमी।

रोमी 8:5

त्‍वाकु मिरो़मडाम बादीखाम होम्‍साका दोपामिमका मिरो़मकु बादीखामथो़ न सोकु़ लावो माम्‍चु़नी-पेल होम्‍साका दोपामिमका माम्‍चु़नी-पेल होम्‍साका ङा दोमु न सोकु़।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

रोमी 8:4

त्‍वाकु मिरो़मडाम बादीखाम होम्‍साका मेएँ लावो माम्‍चु़नी-पेल होम्‍साका दोपामिमकाम लागि डु़म्‍लाका र्‍वाक्‍ताम ल्‍वा रोक्‍थिड्‍डाम बु।

२ कोरिन्‍थी 1:17

आरे बोमु आमा नडा मिम्‍तोलो हाम नले न बेउतो मा? हाम गो हाम-हुम बोमु आमा नडा मिम्‍तोलो सु़म्‍दिसेरडाम मु़चु़ होङङा कोलेङा ल्‍वा “आच्‍छाङा” नुङ “मेएँ” र्‍वाङु मा?

२ कोरिन्‍थी 11:21

र्‍वामु क्रो़म लु़पा लोवो गो सो़मु बास्‍ता, गुकु छो़म ङिजो़ल्‍पा दु़म्‍तोकोमका मेर्मिम होङङा बोमु मेचाप्‍कुवा। मेर्मिमका उहेम ल्‍वाडा डोक्‍पु लिसिमी आथावो गो वो नेप्‍ची मान्थिम दु़म्‍साका मेराम ल्‍वाडा ङा डोक्‍पु लिसिङु।