२ कोरिन्‍थी 10:10 - थुलुङ राई

¹⁰ “पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।

२ कोरिन्‍थी 10:10 Referans Kwoze

१ कोरिन्थी 1:17

हेङालोने ख्रीष्‍टका गोलाई कु-रु़दु़म ग्‍वाप्‍डा मेएँ, जो़पा-सेला थो़बेड्‌डा थु़र्ङिडिमिम। मिनी नेप्‍चीडाम ल्‍वा मेसो़साका जो़पा-सेला थो़बेड्‌डा गुमीका गोलाई थु़र्ङिडिमी, मेएँ माला ने क्रूसडला ख्रीष्‍ट सिम्‍डिम हाम ना हामकाम दु़प्‍सावा।

२ कोरिन्‍थी 11:6

गो जो़होमका जेमु मेथेट्‌पा बुङु लोवो गोनुङ नेप्‍ची बु। ओराम नेप्‍ची गुकु हेल्‍लो लोवो खोत्‍ले खारीडा गानीलाई जो़होमका रेम्‍बेत्तोकोम बु।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

२ कोरिन्‍थी 10:9

गो गानीलाई र्‍याक्‍तोम सेलाखाजेममिमका गानीलाई ङिमसान्‍मु माल्‍निनिम मेएँ।

२ कोरिन्‍थी 10:11

आरेप्‍माम मु़चु़मिमका ओराम ल्‍वा चमिनु़, गुकु मेसिन्‍डा मेबुकुलो सेलाखाजेमडा हाम र्‍वाकु, गुकु मेसिन्‍डा बुकुलो वो मेरामङा खारी बोकु।

२ कोरिन्‍थी 11:21

र्‍वामु क्रो़म लु़पा लोवो गो सो़मु बास्‍ता, गुकु छो़म ङिजो़ल्‍पा दु़म्‍तोकोमका मेर्मिम होङङा बोमु मेचाप्‍कुवा। मेर्मिमका उहेम ल्‍वाडा डोक्‍पु लिसिमी आथावो गो वो नेप्‍ची मान्थिम दु़म्‍साका मेराम ल्‍वाडा ङा डोक्‍पु लिसिङु।

२ कोरिन्‍थी 13:3

मेकोतिलो ख्रीष्‍ट गोलामका जेमी डे मेएँ र्‍वाक्‍साका गानी रेम्‍मु माल्‍निम ल्‍वा डार्नी। गुमीका गानीगोडा खारी बोमिलो गुमी मेचापा मेबुमी, लावो छो़म यु़मनुङमा बुमी।