२ कोरिन्‍थी 1:5 - थुलुङ राई

⁵ हेङालोने ख्रीष्‍टकाम लागि गुइ हाङको हापा दु़खा ल्‍वासी, मेकोतिङा माम्‍चु़नीका ख्रीष्‍टलामका इकीमा न बसाक्‍सामी।

२ कोरिन्‍थी 1:5 Referans Kwoze

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

फिलिप्‍पी 3:10

ख्रीष्‍टलाई नुङ सिमुलाम गुमीलाई फक्‍पा यु़मलाई गो जो़होमका छेमु न बु। गुमीका ल्‍वाम्‍डिम होङङा दु़खा ल्‍वामु मा उनी साम लक्‍सीडा गुमी होङङा दु़म्‍मु न बु,

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

फिलिप्‍पी 2:1

ख्रीष्‍ट नुङ कोले दु़म्निमका इनीमा सोहन्‍पा बु। उनीमा रिखामका न बन्‍सिक्‍पा बुनी, माम्‍चु़नी-पेलनुङ हेमकेमडा बुनी, द्‌वामसिमु नुङ नाम्नाम्चो़ लु़निमिमका,

थु़र्मा 9:4

गु क्‍वायु़ झार्स्‍ता, मा आरे र्‍वाक्‍पा लो़लाम थो़स्‍तु़, “शाऊल, शाऊल, गाना हेङा आमा थो़मतेर्नामिम?”

लूका 2:25

मेकोतिलो शिमियोन नङकाम कोले मु़चु़ यरूशलेमडा बाइडा। गु माम्‍चु़नीकु न-गो होप्‍माम नुङ उनी न होम्‍साका दोपा, मा ख्रीष्‍ट योमिमा इस्राएलीमिमलाई बोमी-थार्मिमिम लथाक्‍पा मु़चु़ बाइडा। माम्‍चु़नी-पेल गुनुङ बाम्‍डी,

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।