२ कोरिन्‍थी 1:23 - थुलुङ राई

²³ माम्‍चु़नीलाई आमा दुथाम सो़पा मिम्‍साका गो आच्‍छाङा र्‍वाङु, गानीलाई आथावो हापा दु़खा मेग्‍वानिनी र्‍वाक्‍साका गो कोरिन्‍थडा ख्‍लोसिक्‍साका मेरोङुवा।

२ कोरिन्‍थी 1:23 Referans Kwoze

गलाती 1:20

गो र्‍याक्‍तोम ल्‍वा आच्‍छाङा सो़, माम्‍चु़नीका ओराम ल्‍वा चमी। उनीमा ङादोडा गो लिमा मेथेट्‌पु।

१ कोरिन्थी 4:21

गानी हाम द्‌वानी? गो गानीलाई याल्डा डु़लु़म्‍चो़ रेन्मु डे गो याक्‍के दु़म्‍साका रिखाम रेन्‍मु?

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 13:2

गो ङादो नकखेपमिम खेपडा गानीनुङ बाङडोलो गानीलाई ङिम साट्‌निनिम बाइडा। ओम्‍लो गानीनुङ मेबुङु लोवो मेरामङा ल्‍वा र्‍वाङु: गो आथावो रोङुलो ङादो छु़ल बेपामिम सु़लाई लोवो गो मेडिट्‍पुमी।

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

फिलिप्‍पी 1:8

ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

१ तिमोथी 1:20

मेर्मिमगोडाम हुमेनियस नुङ अलेक्‍जेन्‍डर सो़, मेर्चिपका माम्‍चु़नीलाई डक्‍साका मेजेचिनु़ र्‍वाक्‍पा सीसिन्‍चिनु़ र्‍वाक्‍साका गो मेर्चिपलाई शैतानकु ल्‍वाडा ग्‍वाक्‍तोचिम बु।

१ थेसलोनिकी 2:5

ओराम ने गानी वो जो़होमका चनी, गुकु हेल्‍लो वो गानीनुङ लोमालेपा ल्‍वा मेबेकुवा, गानीलाम खउलुङ ल्‍वामु लागि गुकु हेल्‍लो वो इनीमा ङोप्‍सो़ मेलिसिट्‌कुवा। आकीमा दुथाम खोत्‍ले ल्‍वापा माम्‍चु़नी बुमी।

२ कोरिन्‍थी 11:31

ङाचो़ येशूकु माम्‍चु़नी नुङ पापकाम हेल्‍लो लोवो नङ कोसिनु़, गो लिमा मेथेट्‌पु र्‍वाक्‍पा ल्‍वा गुमीका चमी।

२ कोरिन्‍थी 11:11

हेङा गो आरे बेउतोम? गो गानीलाई रिखाम मेबोनिनिमिमका मा? गो गानीलाई रिखाम बोनिनी र्‍वाक्‍पा ल्‍वा माम्‍चु़नीका चमी।

२ कोरिन्‍थी 10:2

गो गानीलाई छो़म र्‍वाङु, गो इनीमाडा रोङुलो मेङिसाका भुर्मु बासिक्‍पा ल्‍वा बोमु मेबासिनु़। मेराम मेङिसाका भुर्मु बासिक्‍पा ल्‍वा ने गुकुलाई ओराम सु़म्‍दिसेरडाम मेजो़पा नका खारी बेत्तोङा लेनी र्‍वाक्‍पा मु़चु़मिमनुङ गो बेपा मुलु़ बेउतोम बु।

२ कोरिन्‍थी 1:18

माम्‍चु़नी थो़रलु़इमिम बुमी। मेम्‍साकाङा आकीमा सिजेम वो याङलो “आच्‍छाङा” नुङ याङलो “मेएँ” दु़स्‍ताम मिबु।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

रोमी 9:1

गो र्‍वामु खापुमिम ल्‍वा आच्‍छाङाकाम सो़। गो ख्रीष्‍टकु मु़चु़, मा गो लिमा मेथेट्‍पु। माम्‍चु़नी-पेल साखामगोडा बाट्‍पा नेप्‍चीका गो लिमा मेथेट्‍पु र्‍वाक्‍साका आमा दुथाम सो़यु़।

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

२ कोरिन्‍थी 11:10

ख्रीष्‍टकु आच्‍छाङाकाम ल्‍वा गोनुङ बुमिमका गो र्‍वाङु, आरेप्‍माम ल्‍वाकु दुथाम डोक्‍पु लिसिमुडा अखैया इलाकाडाम सु़का वो गोलाई भोम्‍मु मेचाम्ङिमी।