२ कोरिन्‍थी 1:22 - थुलुङ राई

²² गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

२ कोरिन्‍थी 1:22 Referans Kwoze

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

२ कोरिन्‍थी 5:5

आरेप्‍माम खारी झो़म्‍सी बेट्‌पा ने माम्‍चु़नीङा सो़। गुमीका मेराम खारी आच्‍छाङा बोम्‍सोमी र्‍वाक्‍पा रेम्‍बोमु लागि ङादो ग्‍वाम्‍जो़ल्‍मा बैना होङङा माम्‍चु़नी-पेल गुइलाई ग्‍वाक्‍साड्‌डामिम बु।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

रेम्‍बेट्‌मिडिम ल्‍वा 9:4

सुबुडाम जेम, बोट, धक्‍सालाई हाम वो मेबेनी लावो उहेम मु़चु़मिमकाम कुप्‍पीडा माम्‍चु़नीकु छाप मिबु मेर्मिमलाई कोङङा दु़खा ग्‍वाक्‍नी र्‍वाक्‍पा ल्‍वा मेर्मिमका रम्‍डी।

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

रेम्‍बेट्‌मिडिम ल्‍वा 7:3

“इकीमा माम्‍चु़नीकु खारीचो़मिमकाम उनी कुप्‍पीडा गुकु छाप मेओप्‍थु़मसम्‍म सुबुडा लोवो दिरिदिनडा लोवो धक्‍सामिमलाई लोवो छो़रो़प मेबेनी।”

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

यूहन्‍ना 3:33

गुमीका सो़मिमिम ल्‍वा उहेम मु़चु़का थो़र बु़, मेरामका माम्‍चु़नी आच्‍छाङाकाम बुमी र्‍वाक्‍पा रेम्‍बु़।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।