२ कोरिन्‍थी 1:20 - थुलुङ राई

²⁰ माम्‍चु़नीका खोत्‍ले याचे जेम्‍डिम ल्‍वामिम “आच्‍छाङा” र्‍वाक्‍साका ख्रीष्‍टडा रोक्‍थिड्‍डा। मेम्‍मिमका ख्रीष्‍टलामका माम्‍चु़नीकु नङ डोक्‍पु दु़म्‍नु़ र्‍वाक्‍साका गुइ “आमेन” र्‍वाकी।

२ कोरिन्‍थी 1:20 Referans Kwoze

हिब्रू 13:8

येशू ख्रीष्‍ट बास्‍ता, आनेप मा हेल्‍लो लोवो कोलेङा दु़म्‍मी।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

रेम्‍बेट्‌मिडिम ल्‍वा 7:12

“आमेन! इकीमा माम्‍चु़नीकाम हेल्‍लो लोवो नङ कोसिनु़, यु़म झ्‍वानु़, नेप्‍चीनुङमा दु़म्‍नु़, आलासो़ दु़म्‍नु़, गुमीङा डोक्‍पु दु़म्‍मिनु़म बुमिनु़, उनीमा यु़म दु़म्‍नु़म बु़नु़ मा सो दु़म्‍नु़म बु़नु़। आमेन!”

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

रोमी 11:36

हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

हिब्रू 7:6

डु़म्‍लाचो़ मल्‍कीसेदेक ने लेवी दोचो़गोडाम मेएँ। लावो गुका डु़म्‍लाचो़मिमकु बेप-पाप अब्राहामलामका दशांश रङडु़, मा माम्‍चु़नीका याचे जेम्‍डिम ल्‍वा डार्पा अब्राहामलाई गुका जि ग्‍वाक्‍तु़।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

१ कोरिन्थी 14:16

इनी न-गोका माम्‍चु़नीकु नङ कोनिलो गानी जो़होमका आलासो़ र्‍वानी लोवो गानी र्‍वाक्‍तोङा बोनिमिम ल्वा वाङमिमका थेसिमेथेन्‍मी माला मेर्मिमका हेसाका “आमेन” र्‍वामी?

१ यूहन्‍ना 5:11

गुमीका सो़म्‍डिम ल्‍वा ओरामङा: माम्‍चु़नीका गुइलाई हेल्‍लो वो मेसिपा त्‍वारो़म ग्‍वाक्‍साड्‌डामी मा ओराम त्‍वारो़म उनीमा तारापाचो़डा बु।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

२ थेसलोनिकी 1:10

ङाचो़ येशू योमिमिमनेम ओर्मिम खोत्‍ले ल्‍वा रोथी। सेपा उनीमा मु़चु़मिमका गुमीलाई डोक्‍पु बोमी मा गुमीडा थो़रलु़पा खोत्‍ले ङाङाया दु़म्‍साका गुमीलाई डोक्‍पु मिम्‍मी। गानी वो मेर्मिमनुङङा दु़म्‍नी, हेङालोने गुकु ल्‍वात्तोको-सो़त्तोकोम ल्‍वाडा थो़रलु़न्‍नी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’