Biblia Todo Logo
Bib sou entènèt

- Piblisite -




१ तिमोथी 5:14 - थुलुङ राई

14 मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

Gade chapit la Kopi




१ तिमोथी 5:14
19 Referans Kwoze  

मा त्‍वापलाई जो़होमका जु़ल्‍पा, सेपा न-गोनुङमा दु़म्‍पा, नेम-किम जो़होमका रेपा, न-थो़मनुङमा नुङ उनी वोचु़कु ल्‍वाडा बुमु सीमिनु़-चेमिनु़। मेम्‍साका माम्‍चु़नीकु सिजेमकु दुथाम सु़का वो मेजो़पा जेमु मेल्‍वामिनु़।


डु़ल्‍चो़ दु़म्‍बेट्‌पाकु जुवाडा बाट्‌पामिम खोत्‍लेका उनीमा नेमहपमिमलाई छो़म डोक्‍पु मिम्‍मिनु़, मेम्‍साका माम्‍चु़नीकु नङ नुङ इकीमा सीसिकु दुथाम मु़चु़मिमका मेजो़पा मेजेमी।


मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।


मेर्मिमका लालीकुन्‍दा मेबेनी र्‍वामी। मेकोतिमा थो़र लु़पामिम नुङ आच्‍छाङाकाम ल्‍वा चक्‍पामिमका आला-तोमानुङ पोमु बासिक्‍पा माम्‍चु़नीका प्रङ्‌मिडिम याङ-याङ पोमु-डुमुडाम वाङ बानी र्‍वामी।


खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।


लावो स्‍वालामे अर्दोमेमिमकु नङ मेराम र्‍याखोपडा मेर्‍याका, हेङालोने मेर्मिमका याङ्‌लो लालीकुन्‍दा बेपा न बेसाका ख्रीष्‍टलाई डिन्‍मिमा वाङथो़ लमु वो चाम्‍मी।


थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।


गो बेउतोम खारी बेउहोमङा बुङु। मेम दु़स्‍तामका मे उनी त्वाकाङा कोसिक्‍साका थु़र्मा लिसिक्‍पा मु़चु़मिमका गुकु होप्मामङा खारी बेत्तोको र्‍वाक्‍साका डोक्‍पु लिम्‍सिमु मेल्वामी।


मेम्‍मिमका गुइ सु़लाई वो मुमा बेसी मेनु़। गानी त्‍वाकु थो़रलु़पा वा-ल्‍वाकमिमगोडा छु़ल रेट्‍पा नुङ मेर्मिमलाई मेजो़पा बेपा ल्‍वा हेल्‍लो वो मेबेउ र्‍वाक्‍पा न बेनी।


Swiv nou:

Piblisite


Piblisite