१ तिमोथी 2:11 - थुलुङ राई

¹¹ थो़रलु़पामिम घ्रो़म्‍पा थारीका मेसेममिमका छो़म याक्‍के दु़म्‍साका नुङ लिबा बात्तो सिम्‍सिमिनु़।

१ तिमोथी 2:11 Referans Kwoze

१ कोरिन्थी 11:3

लावो गानी ओराम ल्‍वा चन्‍जो़ल्‍नी र्‍वाक्‍पा आमा न बु, खोत्‍ले मु़चु़मिमकु उनी बुइ ख्रीष्‍ट सो़। मेसेमकु उ बुइ उ वोचु़, मा येशू ख्रीष्‍टकु उनी बुइ माम्‍चु़नी।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

तीतस 2:5

मा त्‍वापलाई जो़होमका जु़ल्‍पा, सेपा न-गोनुङमा दु़म्‍पा, नेम-किम जो़होमका रेपा, न-थो़मनुङमा नुङ उनी वोचु़कु ल्‍वाडा बुमु सीमिनु़-चेमिनु़। मेम्‍साका माम्‍चु़नीकु सिजेमकु दुथाम सु़का वो मेजो़पा जेमु मेल्‍वामिनु़।

कलस्‍सी 3:18

लालीकुन्‍दा बेपा गानी खोत्‍ले नाइमेनी, ङाचो़ येशूडा गानी बोमु बासिक्‍पा होङङा इनीमा वोचु़कु साखाम गोयु़ बानी।

१ तिमोथी 2:10

लावो माम्‍चु़नीकु सो़रलोले बेउ र्‍वाक्‍पा मेसेमका जो़पा खारीका उ त्‍वापलाई घ्रेट्‌पा ल्‍वासिक्‍पा बनेबोमु बासी।