19 गानीगोडा खारी बोमुडाम माम्चु़नी-पेललाई मेभोप्नी।
गानीगोडा बाट्पा माम्चु़नी-पेललाई इनी बासी-दोसीलामका मेभ्रसिक्पा मेदु़म्बेट्नी, हेङालोने सेल्सिक्पा नेम गानी वो सेल्सिमु ल्वानी र्वाक्साका माम्चु़नीका उनी त्वाकु पेल ग्वाक्साका गानीडला छाप ओप्मिडिम बु।
“ए लु़म्ला मेबेडिचो़नी, लुङ होप्माम न-गो नुङ नोफ्लाका मेथो़पानी, गानी हेल्लो लोवो माम्चु़नी-पेलकु कोर्थो़लाम येम्सिनी। इनीमा ङाउ-खुउमिमका हाम बेम्डी, गानी वो मेम ङा बोनी।
मेम्मिमका गो गानालाई मिम्बेनी, गो गानाडला ल्वा जु़ल्साका सो़म्दी बेउतोलो माम्चु़नीका गानालाई राप्लावा ग्वाक्नामिम बाइडा। मु हुर्साका हापा वाक्तो लक्पा बोमु होङ्ङा मेराम राप्लावा बर्बेत्तो लडा।
एल्डरमिमका उनी ल्वा गानाडला जु़ल्मिडिलो माम्चु़नीलाममिम-जेसीलामका गाना ल्वान्नाम राप्लावा हाम ना हामकाम मेमिम्डा।
मेम्मा शैतानका गानीलाई मुनुङमा नो़प्लीमिमका ओम्निलो त्वाप भोम्सिमु लागि वाजो होप्माम इनी थो़र हेल्लो लोवो नगोडा बेन्जो़ल्नी।
लावो मेसिन्डा बाट्पामिम गोडा कोलेकाडा माम्चु़नीका रेम्बोमिमिम ल्वा रोक्ता माला जेत्तोङा बेपा मु़चु़ मेजेनु़।
माम्चु़नीलाममिम-जेसीलाई सेम्ला मेबेट्नी।
