१ थेसलोनिकी 4:9 - थुलुङ राई

⁹ लावो थो़रलु़पामिमलाई रिखाम बोमुकु दुथाम गानीलाई गुकु र्‍यामुम बुमु मेबासी। हेङालोने रिखाम बेबेनी र्‍वाक्‍साका माम्‍चु़नीलाम इनी त्‍वाकाङा सीन्‍सिट्‌निम बु।

१ थेसलोनिकी 4:9 Referans Kwoze

१ यूहन्‍ना 3:11

गुइ ङादो आथाम थो़स्‍तिम सिजेम ओरामङा सो़: गुइ रिखाम बेबोमु बासी।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

१ थेसलोनिकी 5:1

वा-ल्‍वाकनी, ओर्मिम खोत्‍ले हाम्‍सी दु़म, मेरामकु दुथाम गानीलाई गुकु र्‍यामुम बुमु मेबासी।

थु़र्मा 4:32

थो़रलु़पामिम खोत्‍ले कोले न-गोकाम दु़म्‍मिडिम बाइडा, मा मेर्मिमगोडा सु़का वो उनी त्‍वाकु खाप्‍चीमिम ओराम आमा मेर्‍वाम्‍थाल्‍मिवा, लावो मेर्मिमनुङ हा-हाम बाट्‌पा खोत्‍लेङा खोत्‍लेका दो़साका मोम्‍थाल्‍मिडी।

१ यूहन्‍ना 2:10

उहेमका उ वा-ल्‍वाकलाई रिखाम बु़, गु ओलडा बु मा गुलाई छु़ल बेबेट्‌पा उमाडा हाम वो मेदु़म।

२ पत्रुस 1:7

माम्‍चु़नीकु लाम्‍दीडा लाम्‍दीसीडला वा-ल्‍वाकडा न-थो़म बेबेसी, वा-ल्‍वाकडा न-थो़म बेबेसीडला रिखाम काप्‍तो लक्‍नी।

१ पत्रुस 4:8

खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

हिब्रू 10:16

“मेराम चङडा गो मेर्मिमनुङ ख्रेपुमिम सो़रख्रेप्‍सी ओराम सो़, मिप्रङमाका र्‍वामी: आमा डु़म्‍ला मेर्मिमकु न-गोडा जु़ल्‍साक्‍पुमी मा गो मेर्मिमकु नगोडा र्‍याक्‍साक्‍पुमी।”

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

मत्ती 22:39

नक्‍नोम वो डोक्‍पुङा बु, ‘गाना इमा साउखोरेलाई इमा त्‍वापलाई होङङा रिखाम बे।’

२ कोरिन्‍थी 9:1

यरूशलेमडा बाट्‌पा माम्‍चु़नीकु मु़चु़मिमलाई ग्‍वामु ग्‍वा-ग्‍वाकु दुथाम गो गानीलाई र्‍यामुम बुमु मेबासी।

फिलिप्‍पी 3:15

थो़रलु़सीडा गुइ डोक्‍पुमिम खोत्‍ले ने ओर्मिमकु दुथाम आरेसाका न जु़ल्‍मु बासी। कोङनिम ल्‍वाडा गानी वाङङा मिम्‍निम बु माला माम्‍चु़नीका गानीलाई जो़होमका थेसिथेन्‍बेनिमी।