१ थेसलोनिकी 4:14 - थुलुङ राई

¹⁴ येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

१ थेसलोनिकी 4:14 Referans Kwoze

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

१ थेसलोनिकी 4:13

वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

१ थेसलोनिकी 4:17

मेकोतिमा गुइ सामबाट्‌पा ने ङाचो़ येशूलाई धामुला क्रो़म्‍डा मेर्मिमनुङङा खासेडलामका माम्‍चु़नीका कोक्‍सामी। मेम्‍लो आथाम हेल्‍लो लोवो गुइ ङाचो़ येशूनुङ दु़म्‍सिमिम बुइ।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

२ थेसलोनिकी 2:1

वा-ल्‍वाकनी, इकीमा ङाचो़ येशू ख्रीष्‍ट योमिमिम नुङ गुमीलाई क्रो़म्‍मु लागि माम्‍चु़नीका कोदेप खोप्‍सामिमिमकु दुथाम गुकु गानीलाई छो़म र्‍वाकु,

रोमी 14:9

सिपा नुङ नु़पा खोत्‍ले मु़चु़काम लागि येशू ख्रीष्‍ट सिम्‍डी मा आथावो बम्‍गेम्‍डी। हेङालोने गुमी सिपा नुङ नु़पा खोत्‍लेकाम ङाचो़ दु़म्‍मु लागि मेम बेम्‍डी।