१ थेसलोनिकी 3:5 - थुलुङ राई

⁵ मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

१ थेसलोनिकी 3:5 Referans Kwoze

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

२ कोरिन्‍थी 2:11

आरेसाका शैतानका गुइलाई फोसो़ आम्‍मु मेल्‍वास्‍नु़, हेङालोने गुइ शैतानकु नडाम मुलु़मिम चडिम बु।

फिलिप्‍पी 2:16

त्‍वारो़म ग्‍वाक्‍पा सिजेम जेन्‍थाट्‌नी। मेम्‍मा गो ओन्‍ङोडोम नुङ ब्राम्‍दु़ल्‍वा बेउतोम मेडेङा मेदु़प्‍सावा र्‍वाक्‍साका ख्रीष्‍ट योमिलो आमा धक्‍ची ह्‍वाक्‍पु।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

गलाती 4:11

गो इनीमा लागि बेत्तोङा लेट्‌पुमिम ब्राम्‍दु़ल्‍वा हाम ना हामकाम दु़म डे, र्‍वाक्‍पा गोलाई ङिमलु़डा।

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

१ कोरिन्थी 7:5

वोचु़-मोचु़ अम्‍मुडाम उची त्‍वापलाई वाङ मेबोचिनु़। वाङ दु़म्निङा लोवो त्‍वाप-त्‍वापडा मुलु़ बेसाका सो़म्‍दी बोमु लागि कति दु़पा थारीका वाङ दु़म्नी। मेम्‍मा आथावो कोयो बानी, मेएँ माला ने इनी त्‍वापलाई जो़होमका मेजु़ल्‍निमिमका शैतानका गानीलाई छु़ल वाम्बेन्मु चाम्नी।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

१ थेसलोनिकी 2:1

वा-ल्‍वाकनी, इनीमाडा गुकु रोक्‍तोकोम हाम ना हाम मेदु़प्‍सावा र्‍वाक्‍पा गानी त्‍वाकाङा चनी।

थु़र्मा 15:36

कोलेम पावलका बारनाबासनुङ र्‍वाक्‍ता, “गुची माम्‍चु़नीकु जो़पा-सेला थो़बेट्‌चिमिम खोत्‍ले शहरडाम थो़रलु़पामिमकामबाडे ख्‍लोसिन्‍चिमा लची। मेकोतिमा मेर्मिमका हाम बोम्‍थाल्‍मी र्‍वाक्‍पा ल्‍वा गुची थो़ची।”

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

फिलिप्‍पी 2:19

ङाचो़ येशूका न बेम्‍डी माला दालाङा गो तिमोथीलाई इनीमाडा थु़रु र्‍वाक्‍पा आमा न बु, मेम्‍साका इनीमा दुथाममिम सेला थो़उमा गो गेर्सी द्‌वाङु।